ނ. ހެނބަދޫގައި ފުލުހެއްގެ ސައިކަލުގައި ރޯކޮށްލި މައްސަލައިގައި ދެ މީހަކު ހައްޔަރުކޮށްފި އެވެ.
ހެނބަދޫގައި ފުލުހެއްގެ ސައިކަލުގައި ރޯކޮށް، އަންދާލީ މިދިޔަ ހުކުރު ދުވަހުގެ ދަންވަރެވެ. އަދި އޭގެ ކުރީ ދުވަހު އިތުރު ފުލުހެއްގެ ސައިކަލަށް ގެއްލުންދިނެވެ.
ފުލުހުން މިއަދު މީޑިއާތަކަށް ފޮނުވި މެސެޖެއްގައި ބުނީ، އެ މައްސަލައިގައި ކޯޓު އަމުރެއްގެ ދަށުން މިއަދު ހައްޔަރުކުރީ ހެނބަދޫ/ ސެލްވިޔޯ، އިލްޔާސް އިބްރާހިމް، 33އ. އަދި އެ ރަށު/ ހުދުތަރި، މުހައްމަދު އިރުޝާދު، 33އ ކަމަށެވެ.
އެ މީހުންނަށް ފުލުހުން ކުރާ ތުހުމަތުތަކުގެ ތެރޭގައި ހެނބަދޫ ޕޮލިސް ޕޯސްޓުގައި މަސައްކަތްކުރާ ފުލުހުންނާއި އެ ފުލުހުންގެ އާއިލާތަކާއި މުދަލަށް ގެއްލުންދޭނެ ކަމަށް ބުނެ އިންޒާރު ދިނުން ވެސް ހިމެނެ އެވެ.
ފުލުހުންގެ ތަރުޖަމާން، އެސިސްޓަންޓް ކޮމިޝަނަރު އޮފް ޕޮލިސް އަހުމަދު ޝިފާން ވިދާޅުވި ގޮތުގައި ދެ ފުލުހެއްގެ ސައިކަލަށް ގެއްލުން ދިނީ ނޫނު އަތޮޅުގައި ފުލުހުން ހިންގަމުންދާ މަސްތުވާތަކެތީގެ އޮޕަރޭޝަނަކާ ދެކޮޅަށް އެކަމުގައި ތުހުމަތު ކުރެވޭ ބަޔަކު ކޮށްފައިވާ ކަމެއް ކަމަށް ތުހުމަތު ކުރެވޭ ކަމަށެވެ.

ގުޅުންހުރި
އެންސްޕާގެ ހަރަދުގައި ތައިލެންޑުން ފަރުވާ ހޯދަން 33 މީހަކަށް އެހީ ދީފި
ކަރެކްޝަންސްއާ ހަވާލުކުރަން ވެގެން ކުޅުދުއްފުށި އެއާޕޯޓު މެނޭޖަރު ހައްޔަރުކޮށްފި
ރައީސްގެ ޕޮޑްކާސްޓުތައް މަޑުޖެހިއްޖެ، މިދިޔަ މަހު އެއްވެސް އެޕިސޯޑެއް ނުދައްކާ
ސައުދީގެ އާ ސަފީރުގެ ފަތްކޮޅު ރައީސްއަށް އަރުވައިފި
މިއަހަރުގެ ސަޓާ އެވޯޑްސް ސެޕްޓެމްބަރު މަހު ކޮލަމްބޯގައި
ފުވައްމުލަކުގެ މަޝްހޫރު ”ޝާކް ޕޮއިންޓް“ ނެޓްފްލިކްސްއަށް