ގައުމީ އެއާލައިން، މޯލްޑިވިއަން ހިންގާ އައިލެންޑް އޭވިއޭޝަނުން އޮޕަރޭޓް ކުރާ މާފަރު އިންޓަނޭޝަނަލް އެއާޕޯޓުގެ ޕާކިން ޖާގަ އިތުރުކުރުމަށް އެއާޕޯޓުގެ އޭޕްރަން ބޮޑުކުރުމުގެ މަސައްކަތް އެމްޓީސީސީއާ މިއަދު ހަވާލުކޮށްފި އެވެ.
އެކަމުގެ އެއްބަސްވުމުގައި އެމްޓީސީސީގެ ފަރާތުން އެ ކުންފުނީގެ ސީއީއޯ އަދި މެނޭޖިން ޑިރެކްޓަރު އަބްދުﷲ ޒިޔާދެވެ. އައިލެންޑް އޭވިއޭޝަންގެ ފަރާތުން ސޮއިކުރެއްވީ މެނޭޖިން ޑިރެކްޓަރު އިބްރާހިމް އިޔާސް އެވެ.
ޖުމުލަ 29.85 މިލިއަން ރުފިޔާއަށް އެމްޓީސީސީއާ ހަވާލުކުރި މި މަޝްރޫއު ނިންމަން ދީފައިވަނީ ހަ މަސް ދުވަހެވެ.
އައިލެންޑު އޭވިއޭޝަނުން ބުނީ މާފަރު އެއާޕޯޓުގެ އިންފްރާންސްޓްރަކްޗާ ތަރައްގީކޮށް، އެއާޕޯޓުގެ ހިދުމަތް ފުޅާކޮށް، ކެޕޭސިޓީ އިތުރުކުރުމަށް ކުރިއަށް ގެންދާ އެ މަޝްރޫއުގެ ދަށުން 15،000 އަކަ މީޓަރުގެ ސަރަހައްދެއް ތަރައްގީ ކުރާނެ ކަމަށެވެ.
އެގޮތުން މި ވަގުތު މާފަރު އެއާޕޯޓުގައި އެއްފަހަރާ 13 ބިޒްނަސް ޖެޓު ޕާކުރެވޭއިރު، މަޝްރޫއު ނިމުމުން އެއްފަހަރާ 26 ޖެޓު ޕާކު ކުރެވޭނެ ކަމަށް އެ ކުންފުނިން ބުންޏެވެ.
ރާއްޖޭގެ އެންމެ މަތީ ފަންތީގެ ރިސޯޓުތައް ހިންގާ، ނ. އަތޮޅުގައި ހިންގާ މާފަރު އެއާޕޯޓަކީ މާލެ ފިޔަވާ އެންމެ ގިނަ ޖެޓުތައް ދަތުރުކުރާ ރާއްޖޭގެ އިންޓަނޭޝަނަލް އެއާޕޯޓެވެ.

1 Comment
ގުޅުންހުރި
ހާއްސަ އެހީއަށް ބޭނުންވާ ކުއްޖަކަށް ޖިންސީ ގޯނާކުރި މީހަކު ހައްޔަރުކޮށްފި
ތަފާތު ކުޅުމެއް ދައްކައި ޓީއެފްޓީން ޓީސީ ބަލިކޮށްފި, އެލްޓީ ކަޓުވާލައި ލޮރެންޒޯ
ގަދަ ހިފުމުގައި ބީޖީ ކަޓުވާލުމަށްފަހު އެންމެ ފަހުގެ ރަނަރަޕް ސީކޭ ސެމީއަށް
ޓްރަމްޕް ޑިއުޓީ ބޮޑުކުރި ތަންތަނުގެ ތެރޭގައި ފަޅު ރަށްތަކެއް، އެތާ އުޅެނީ
ސިޓީ ދޫކޮށްލަން ޑި ބްރޭނާ ނިންމައިފި
ދަރިފުޅަށް އަހަރެއް ވަންދެން އަނިޔާދީ މަރާލުމަށްފަހު ހަށިގަނޑު އަންދާލި މަންމަ ޖަލަށް