މެލޭޝިއާގައި ބާއްވާ އެންމެ ބޮޑު އެއް ޤުރުއާން މުބާރާތް، މެލޭޝިއާ އިންޓަނޭޝަނަލް އަލް-ޤުރްއާން ރިސައިޓަލް އެންޑް މެމޮރައިޒޭޝަން އެސެންބްލީގެ މި އަހަރުގެ މުބާރާތުގައި ރާއްޖެ ތަމުސީލު ކުރި ފާތިމަތު ޝާޔާ ޒާހިރު ތިންވަނަ ހޯދައިފި އެވެ.
މި މަހުގެ ފަހަކުން މިއަދުގެ ނިޔަލަށް ކުރިއަށްދިޔަ އެ މުބާރާތުގައި އިސްކަންދަރު ސްކޫލުގެ ގްރޭޑް 10 އެސް6ގެ ދަރިވަރު ޝާޔާ ވާދަކުރީ ރިސައިޓަލް ކެޓަގަރީގަ އެވެ.
އެ ކެޓަގަރީން 96.13 ޕަސެންޓް ހޯދައިގެން އެއްވަނަ ހޯދީ ނައިޖާގެ މީހެކެވެ. ދެވަނަ 94.89 ޕަސެންޓާއެކު މެލޭޝިއާގެ މީހަކު ހޯދި އިރު، ޝާޔާއަށް ތިންވަނަ ލިބުނީ 94.38 ޕަސެންޓް ހޯދައިގެންނެވެ.
މި މުބާރާތުގައި ބަލައިގެން ކިޔުމާއި ނުބަލާ ކިޔުމުގެ ކެޓަގަރީން ވަނަތަކަށް އަންނަ މީހުންނަށް މެލޭޝިއާ ސަރުކާރުގެ ފަރާތުން ދޭ ފައިސާގެ އިނާމުގެ ގޮތުގައި 40،000 މެލޭޝިއާ ރިންގިޓްސްގެ އިތުރުން 12،000 މެލޭޝިއާ ރިންގިޓްސްގެ އަގުހުރި ރަން ލިބެ އެވެ.
މެލޭޝިއާ އިންޓަނޭޝަނަލް އަލް-ޤުރްއާން ރިސައިޓަލް އެންޑް މެމޮރައިޒޭޝަން އެސެންބްލީއަކީ ޑިޕާޓްމަންޓް އޮފް އިސްލާމިކް ޑިވެލޮޕްމަންޓް މެލޭޝިއާ އިން ބާއްވާ މުބާރާތެކެވެ.
މި އަހަރުގެ މުބާރާތުގައި 71 ގައުމަކުން 92 މީހުން ބައިވެރިވި އެވެ. އަދި މުބާރާތުގައި އެކި ގައުމުތަކުން 15 ފަނޑިޔާރުން ފަނޑިޔާރުކަން ކުރެއްވި އެވެ.
54 Comments
ގުޅުންހުރި
ރާއްޖެ އާއި އިންޑިއާގެ ދެމެދު ރުޕީސް އާއި ރުފިޔާ އިން މުއާމަލާތް
އެސްޓީއޯ އިން ބިނާކުރި އެލައިޑް، މާކެޓުގައި މިއަދު އެންމެ ބޮޑު ހިއްސާ
ލޯބިވާ މީހުން ދޫކޮށް މަރުވެ ދާންޖެހޭނަކަމީ ދުންޔަވީ ހަގީގަތެވެ. އެކަމަކު އާހިރަތް
މެންބަރުކަން ގެއްލުވާލުމުގެ ބާރު ސިޔާސީ ޕާޓީއަށް ދިނުމުން ރައްޔިތުންގެ ބާރު ގެއްލޭ:
ސްޓެލްކޯގެ ފުރިހަމަ މަސައްކަތެއް؛ އިސްލާމީ މަރުކަޒުގެ މަސްފެންގަނޑު މަރާމާތުކޮށް ރީތިކޮށްލައިފި
އައިކޮމްގެ އަޑުއެހުމަށް ހާޒިރުނުވުމުން ހައުސިން މިނިސްޓްރީ ޖޫރިމަނާކޮށްފި