އިސްލާމީ މަރުކަޒުގެ މުންނާރުގެ ތިރީގައި ހަދާފައިވާ މަސްފެންގަނޑު ހަލާކުވެ ގިނަ ދުވަސްވެފައިވާތީ، އެ ތަން މަރާމާތު ކުރުމުގެ މަސައްކަތް ފަށައިފި އެވެ.
އިސްލާމީ މަރުކަޒަށް 40 އަހަރު ފުރުން ފާހަގަކުރާ މުނާސަބަތާ ގުޅިގެން އިސްލާމީ މަރުކަޒުގެ މުންނާރު ތިރީގައި ހަދާފައި އޮންނަ މަސްފެންގަނޑު މަރާމާތު ކުރަން މި މަހުގެ ދެވަނަ ދުވަހު އިސްލާމިކް މިނިސްޓްރީން އިއުލާން ކުރި އެވެ. ސަރުކާރުން ހަރަދުކުޑަ ކުރަން އަންގާފައިވަނިކޮށް އެފަދަ ކަމެއް ކުރަން އުޅުމުން ގިނަ ބަޔަކު އެކަމަށް ފާޑުވެސް ކި އެވެ.
އެހެންވެ އިގުތިސާދީ ހާލަތު ހުރި ގޮތުން މި ވަގުތު އެފަދަ ކަމެއް ކުރުމަކީ އެންމެ މުނާސަބު ކަމަކަށް ނުވާނެ ކަމަށް ބުނެ އިއުލާން ބާތިލުކުރި އެވެ.
އެ މަސައްކަތް ކޮށްދެނީ ސްޓޭޓް އިލެކްޓްރިކް ކޮމްޕެނީ ލިމިޓެޑް (ސްޓެލްކޯ)ގެ ސީއެސްއާރުގެ ދަށުންނެވެ.
އެ މަސައްކަތް ސްޓެލްކޯގެ ސީއެސްއާރުގެ ދަށުން ކޮށްދޭން އެ ކުންފުނިން ޝައުގުވެރިކަން ފާޅުކުރީ އެ ކުންފުނީގެ މެނޭޖިން ޑިރެކްޓަރު ހުސައިން ފަހުމީ އިސްލާމިކް މިނިސްޓަރު ޑރ. މުހައްމަދު ޝަހީމް އާއެކު ބޭއްވި ބައްދަލުވުމެއްގަ އެވެ.
އެކަމާ ގުޅޭގޮތުން ފަހުމީ އެކްސްގައި މިއަދު ކުރެއްވި ޕޯސްޓެއްގައި ވިދާޅުވީ ސަގާފީ އަދި ދީނީ ބިންގާތައް ރައްކާތެރިކުރުމަށް ފުރުސަތުތައް ލިބުމަކީ ސްޓެލްކޯއަށް ލިބޭނެ ފަހުރެއް ކަމަށާއި އެގޮތުން އިސްލާމީ މަރުކަޒުގެ ކައިރީގައި ހަދާ މަސްފެންގަނޑަކީ ވެސް ތާރީހީ ތަނެއް ކަމަށެވެ.

ގުޅުންހުރި
ޔޫކޭ ދަތުރުފުޅަށްފަހު ރައީސް ރާއްޖެއަށް، މަޖިލިސް ރައީސް އުޒްބަކިސްތާނަށް
ރާއްޖެއަށް މި ވަގުތު އެންމެ ރަނގަޅު ގޮތަކީ އެމްޑީޕީއާއި ޑިމޮކްރެޓްސް ގުޅުން:
ޓޫރިސްޓެއްގެ އަތުން ވަޒަންތަކެއް ފެނިގެން ހައްޔަރުކޮށްފި
ދިރާސީ އާ އަހަރު ފަށާނީ ހޯމަ ދުވަހު
ހާއްސަ އެހީއަށް ބޭނުންވާ ކުއްޖަކަށް ޖިންސީ ގޯނާކުރި މީހަކު ހައްޔަރުކޮށްފި
ތަފާތު ކުޅުމެއް ދައްކައި ޓީއެފްޓީން ޓީސީ ބަލިކޮށްފި, އެލްޓީ ކަޓުވާލައި ލޮރެންޒޯ