ސަރުކާރުގެ ސިޔާސީ މަގާމުތަކުގައި ތިބި 248 މީހަކު ވަޒީފާއިން ވަކިކޮށްފި އެވެ.
ރައީސް އޮފީހުގެ ތަރުޖަމާނު ހީނާ ވަލީދު އެކްސްގައި މިއަދު ކުރެއްވި ޕޯސްޓެއްގައި ވިދާޅުވީ ސަރުކާރުގެ އިކޮނަމިކް ރިފޯމް އެޖެންޑާގެ ދަށުން ހަރަދު ކުޑަކުރަން އަޅައި ފިޔަވަޅުތަކުގެ ތެރެއިން، މިހާތަނަށް 31 އޮކްޓޯބަރުގެ ނިޔަލަށް 248 ސިޔާސީ މުވައްޒަފުން މަގާމުން ވަކިކޮށްފައިވާ ކަމަށެވެ.
އެއީ، ރައީސް ޑރ. މުހައްމަދު މުއިއްޒު އިއުލާނުކުރެއްވި އަދަދަށްވުރެ 20 މުވައްޒަފުން އިތުރު އަދަދެއް ކަމަށް ހީނާ ވިދާޅުވި އެވެ.
ރައީސް މުއިއްޒު މިދިޔަ މަހުގެ 15 ވަނަ ދުވަހު އެކްސްގައި ކުރެއްވި ޕޯސްޓެއްގައި ވިދާޅުވެފައިވަނީ އިގްތިސާދީ އިސްލާހީ އެޖެންޑާގެ ދަށުން 228 ސިޔާސީ މުވައްޒަފުން 15 ދުވަހުގެ ތެރޭގައި ވަކި ކުރައްވާނެ ކަމަށެވެ. އޭގެ ތެރޭގައި 109 ސީނިއާ ޕޮލިޓިކަލް ޑިރެކްޓަރުންނާއި 69 ޕޮލިޓިކަލް ޑިރެކްޓަރުންނާއި 43 ޑެޕިއުޓީ މިނިސްޓަރުންނާއި ހަތް ސްޓޭޓް މިނިސްޓަރުން ހިމެނޭ ކަމަށް ރައީސް ވިދާޅުވެފައިވެ އެވެ.
ހީނާ ވިދާޅުވީ، މުވައްޒަފުން ވަކިކުރުމާ އެކު، ދެން ތިބި ސިޔާސީ މުވައްޒަފުންގެ ޕާފޯމަންސް ބަލާނެ ނިޒާމެއް ގާއިމުކުރަން ވެސް ވަޒީރުންގެ މަޖިލީހުން މިހާރު ނިންމާފައިވާ ކަމަށެވެ. އެ ނިޒާމަށް ވަރަށް އަވަހަށް އަމަލުކުރަން ފަށާނެ ކަމަށް އޭނާ ވިދާޅުވި އެވެ.
ނަމަވެސް އެކިއެކި ފެންވަރުގައި ސަރުކާރަށް އައްޔަންކޮށްފައި ތިބި ސިޔާސީ މުވައްޒަފުންގެ ޖުމުލަ އަދަދާ ގުޅޭ އެއްވެސް މައުލޫމާތެއް މިހާތަނަށް ސަރުކާރުން ހާމަކޮށްފައެއް ނުވެ އެވެ.
64 Comments
ގުޅުންހުރި
ރައީސްގެ ނިންމެވުމެއް: ގައުމީ ގުރުއާން މުބާރާތަށް ހަރަދުކުރާނީ ސީދާ ދައުލަތުގެ ބަޖެޓުން!
މިދިޔަ 14 މަސް ތެރޭ އެތައް ކަމެއް ފަށައި، ނިންމައި، ނަތީޖާ
އަލްއަމީރު މުހައްމަދު އަވަހާރަވުމާއި ގުޅިގެން ރައީސް ތައުޒިޔާ ވިދާޅުވެއްޖެ
ތަކަންދޫގެ އާސާރީ ތަންތަން ހިމާޔަތްކޮށް ކަލްޗަރަލް ޓޫރިޒަމް ގާއިމުކޮށްދޭނަން: ރައީސް
ގާނޫނުގެ ބޭރުން މި ސަރުކާރުން އެއްވެސް ކަމެއް ކޮށްފައެއް ނޯންނާނެ، ނުވެސް
ދިއްދޫގައި ހަދާ އެއާޕޯޓާއި ބައިނަލްއަގުވާމީ ފެންވަރުގެ ސްޓޭޑިއަމްގެ މަސައްކަތް މިއަހަރު ފަށާނަން: