ރާއްޖެ ޓީވީއާއި ޗެނަލް 13، އަންދާލާނެ ކަމަށް ބުނެ އެ ދެ ޓީވީ ސްޓޭޝަނަށް އިންޒާރުދީފިއެވެ.
ރާއްޖެ ޓީވީގައި މަސައްކަތްކުރާ ނޫސްވެރިއަކު އިއްޔެ ވަނީ އެ ޓީވީ ސްޓޭޝަންގެ ދުވަސް ދުއްވާލާނެ ކަމަށް ބުނެ މީހަކު ފޭސްބުކުގައި ކުރި ކޮމެންޓް ސޯޝަލް މީޑިއާގައި އާންމުކޮށްފައެވެ.
ރާއްޖެ ޓީވީއަށް އިންޒާރު ދިން މީހާ ފޭސްބުކުގައި ކުރި ކޮމެންޓުގައި ބުނީ“މިފަހަރު ރާއްޖެ ޓީވީގެ ދުވަސް ދުއްވާލާނަން، ހުޅު ޖަހާނަން، ތި* ހުންނާތި މިފަހަރު ހޭއަރުވާލާނަން މީ އަހަރުމެންގެ ވެރިކަން“ ކަމަށެވެ.
އެ އިންޒާރު ދީފައިވަނީ ފޭކު އައިޑީއަކުންނެވެ.
ކޮމިޝަނާ އޮފް ޕޮލިސް އަލީ ޝުޖާއުއަށް، ރާއްޖެ ޓީވީގެ ފަރާތުން އިއްޔެ ފޮނުވި ސިޓީއެއްގައި ބުނީ އެ ޓީވީ ސްޓޭޝަނަށް ދިން އިންޒާރަކީ ޓެރަރިޒަމްގެ އަމަލެއް ކަމަށް ކަމަށާއި އެ މައްސަލަ ސީރިއަށް މައްސަލައެއްގެ ގޮތުގައި ބެލުމަށް އެދޭ ކަމަށެވެ. އަދި ވަނީ ރާއްޖެ ޓީވީގެ މުވައްޒަފުންނަށް ސަލާމަތާއި ރައްކާތެރިކަން ފޯރުކޮށް ދިނުމަށް އެދިފައެވެ.
ރާއްޖެ ޓީވީގައި 2011 ވަނަ އަހަރު ވެސް ބަޔަކު ވަނީ ހުޅުޖަހައިގައެވެ. އެ ހާދިސާއަށް އަދިވެސް އިންސާފު ލިބިފައިނުވާ ކަމަށް ރާއްޖެ ޓީވީން ބުންޏެވެ.
”އެ ދުވަހު ވެސް ރާއްޖެ ޓީވީގެ ހިދުމަތް ދެމުންދިޔަ އިމާރާތުގައި ބަޔަކު ހުޅުޖަހާ ރޯކޮށްލީ ޓެރަރިޒަމްގެ އަމަލު ހިންގުމުގެ ކުރިން އެފަދަ ކަމެއް މެދުވެރިދާނެ ކަމަށް ޝައްކުކުރެވޭ ފަދަ މައުލޫމާތުތަކެއް ލިބުމާ ގުޅިގެން ރާއްޖެ ޓީވީގެ ފަރާތުން އެކަން މޯލްޑިވްސް ޕޮލިސް ސާވިސްގެ ސަމާލުކަމަށް ލިޔުމުން އަންގާފައިވަނިކޮށް،“ ރާއްޖެ ޓީވީން ބުންޏެވެ.
ރާއްޖެ ޓީވީ އަންދާލާނެ އިންޒާރު ދިން ހަބަރު ޗެނަލް 13 ކަވަރު ކުރުމުން، ސޯޝަލް މީޑިއާގައި މީހަކު ކުރި ކޮމެންޓެއްގައި ބުނެފައިވަނީ ”އެންމެ ފުރަތަމަ އަންދާލާނީ ޗެނަލް 13“ ކަމަށެވެ.
ޗެނަލް 13 ގެ ފަރާތުން އެ މައްސަލަ ފުލުހަށް ހުށަހެޅިކަން އަދި ސާފުވެފައިނުވެއެވެ.
ގުޅުންހުރި
ސްޓެލްކޯ އިން ހަދާ އިލެކްޓްރިކް ވެހިކަލް ޗާޖުކުރާ ސްޓޭޝަންގެ މަސައްކަތް ކުރިއަށް
ރާއްޖެ-އިންޑިއާ ގުޅުން ރަނގަޅުވާތީ ނަޝީދު އުފަލުން: އަބަދުވެސް ތިބެންވާނީ އެކުވެރިކަމުގައި
ބޭރު ގައުމުތަކުގައި ތިބޭ ދިވެހިންނަށް ދައުލަތުގެ އެހީތެރިކަން ލިބޭ ގޮތް ހަދާނަން:
ބައްސާމް އެދުނު ގޮތަށް އެޕާޓްމަންޓްތައް ހަވާލުކުރަން ދިން މުއްދަތު ފުލުހުން އިތުރުކޮށްދީފި
އައިއެމްއެފްގެ އެހީއެއް ނުހޯދާނަން، އިންޑިއާ އިން ރާއްޖޭގެ ބުރަ ލުއިކޮށްދޭނެ: ރައީސް
ރައީސާއި ޖައިޝަންކަރާ ބައްދަލު ކުރައްވައިފި، ފުޅާ ދާއިރާއެއްގައި މަޝްވަރާ ކުރެއްވި