މިހާރު ދޫކޮށްފައިވާ ސްޓޭންޑަޑް އަދި ގޯލްޑް ކްރެޑިޓް ކާޑުތަކުން މަހެއްގެ މައްޗަށް ކުރެވޭ ރާއްޖޭން ބޭރުގެ މުއާމަލާތްތައް 100 ޑޮލަރަށް ދަށްކުރަން ބޭންކް އޮފް މޯލްޑިވްސް (ބީއެމްއެލް) އިން ނިންމައިފި އެވެ.
ބީއެމްއެލް އިން ބުނީ ބޭންކުން މި ބަދަލު ގެނެސްފައިވަނީ ކާޑުން ކުރެވޭ ބޭރުގެ މުއާމަލާތްތަކުގެ އަދަދު ދުވަހުން ދުވަހަށް އިތުރުވަމުންދިޔަ ނަމަވެސް ބޭންކަށް ގަންނަން ލިބޭ ބޭރު ފައިސާގެ އަދަދު އެއް މިންވަރެއްގައި ހިފެހެއްޓިފައިވާތީ އެވެ.
ކޮވިޑަށް ފަހު އައި ޑޮލަރުގެ ތާށިކަމާ ގުޅިގެން ބީއެމްއެލް އިން އެންމެފަހުން އިނީ ކްރެޑިޓް ކާޑުން ބޭރުގެ މުއާމަލާތްތައް ކުރުމަށް މަހެއްގެ މައްޗަށް 750 ޑޮލަރުގެ ލިމިޓެއް ކަނޑައަޅައިފަ އެވެ. އަދި ޑެބިޓް ކާޑުގެ ލިމިޓެއްގެ ގޮތުގައި އޭރު ކަނޑައަޅާފައި ވަނީ 250 ޑޮލަރެވެ.
ކްރެޑިޓް ކާޑުގެ ލިމިޓު 90 ޕަސެންޓަށް ކަނޑާލި އިރު ޑެބިޓް ކާޑުގެ ޕްރައިމަރީ އެކައުންޓް ރުފިޔާ އެކައުންޓުގެ ގޮތުގައި ކަނޑައަޅާފައިވާ ނަމަ ރާއްޖޭން ބޭރުގެ މުއާމަލާތްކުރުމަށް އެއްވެސް އަދަދެއް ނުލިބޭ ގޮތަށް ވަނީ ބަދަލުކޮށްފަ އެވެ.
14 Comments
ގުޅުންހުރި
ރައީސްގެ ދަރިކަލަކަށް ނިސްބަތްކޮށް މާންދީ ދެއްކި ވާހަކަތައް އީސީން ކުށްވެރިކޮށްފި
ގާނޫނީ އިމުގެ ތެރެއިން މުޒާހަރާ ކުރުމުގެ ފުރުސަތު ދިނުމަށް އެޗްއާރުސީއެމުން ގޮވާލައިފި
މޯލްޑިވްސް އިންޓަނޭޝަނަލް ފައިނޭންޝަލް ސާވިސަސް އޮތޯރިޓީ, ފިނޭންސްގެ ދަށަށް
ޕީސީބީގެ ރައީސްއަކަށް އަނަސް އައްޔަންކުރައްވައިފި
ލިވަޕޫލްގެ ރަސްމީ ޓޫރިސްޓް ޑެސްޓިނޭޝަން ޕާޓްނަރަކަށް ރާއްޖެ!
ޑުރަގުގެ ބޮޑު ޝިޕްމަންޓެއް އަތުލައިގެންފި، އަގު 6.7 މިލިއަން ރުފިޔާ!