މި އަހަރާއި އަންނަ އަހަރުގެ ތެރޭގައި ރާއްޖޭގެ ހުރިހާ ރަށެއްގައި މޫދަށް އެރޭނެ ސަރަހައްދަކާއި އައުޓްޑޯ ޖިމަކާއި ކުޑަކުދިންގެ ޕާކަކާއި ފިޓްނަސް ސެންޓަރެއް ހަދައިދެއްވާނެ ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެ އެވެ.
ހއ. އަތޮޅަށް ކުރެއްވި ދަތުރުފުޅުގައި އެ އަތޮޅު އުލިގަމަށް ވަޑައިގެން އެ ރަށުގެ ރައްޔިތުންނާ ބައްދަލުކުރައްވައި ރައީސް ވިދާޅުވީ، ރައްޔިތުންގެ ސިއްހަތު ސަލާމަތުން ބެހެއްޓުމަކީ އެ މަނިކުފާނުގެ ވަރަށް މުހިންމު ސިޔާސަތެއް ކަމަށެވެ.
އެގޮތުން މި ދައުރުގެ ތެރޭގައި ކޮންމެ ރަށެއްގައި މޫދަށް އެރޭނެ ސަރަހައްދަކާއި އައުޓްޑޯ ޖިމަކާއި ކުޑަކުދިންގެ ޕާކަކާއި ފިޓްނަސް ރެކްރިއޭޝަން ސެންޓަރަކާއި ކުޅިވަރު ކުޅޭ ތަންތަން ހެދުމަކީ އެ މަނިކުފާނުގެ ރިޔާސީ ވައުދެއް ކަމަށާއި އެކަން މި އަހަރާއި އަންނަ އަހަރުގެ ތެރޭގައި ކޮށް ނިންމަވާނެ ކަމަށް ވިދާޅުވި އެވެ.
”އެހެންވީމާ، މި އަހަރާއި މި އަންނަ އަހަރާ، 2025، 2026، މި ދެ އަހަރު ތެރޭގައި، ފެސިލިޓީޒް ހަމަކުރެވިގެން، ކުޅޭ އެކިކަހަލަ ސާމާނުތައް ހަރުކުރެވިގެން، ރާއްޖޭގެ ހުރިހާ ރަށެއްގައި ކުޑަކުދިންގެ ޕާކު ހެދުމުގެ ޕްރޮޖެކްޓެއް ކުރިއަށްދާނެ. … އަދި ޕާކު ހެދިފައި ހުރި ބައެއް ރަށްރަށުގައި، ތަކެތި މަދުކޮށް ހުންނަ ތަންތަނުގައި، އިތުރު ސާމާނު ހަރުކޮށްދޭނަން….ފުރިހަމަކުރެވިފައި އޮންނަގޮތަށް ކުޑަކުދިންގެ ޕާކު ހެދުން، ރާއްޖޭގެ ހުރިހާ ރަށެއްގައި، ދެ އަހަރު ތެރެއަށް ބަހާލައިގެން ކުރިއަށްދާނެ. އައުޓްޑޯ ޖިމް ހެދުން، އިންޑޯ، ފިޓްނަސް އެންޑް ރިކްރިއޭޝަން ސެންޓަރ. އެއީ، އިންޑޯ ޖިމް ހިމެނޭގޮތަށް ގާއިމުކޮށްދިނުން. މިއީ ދެ އަހަރުގެ ތެރޭގައި ނިމޭނެ ކަންކަން. މޫދަށް އެރޭ ސަރަހައްދު ބޭނުންވާ ހުރިހާ ރަށެއްގައި، މޫދަށް އެރޭ ސަރަހައްދު ގާއިމުކޮށްދިނުން. މިކަންކަން މި އަހަރާއި މި އަންނަ އަހަރު ތެރެއަށް ބަހާލެވިގެން، ހުރިހާ ރަށެއްގައި އަޅުގަނޑުމެން ނިންމާނަން،“ ރައީސް ވިދާޅުވި އެވެ.
32 Comments
ގުޅުންހުރި
ތަރައްގީގެ 206 މަޝްރޫއެއް ހިންގުމަށް އަމިއްލަ ކުންފުނިތަކާ ހަވާލުކޮށްފި
ކޮޅަށް މި ޖެހީ ބަނގުރޫޓު ކޮށްލުމަށް ޑިޒައިން ކޮށްފައިވާ އިގުތިސާދެއް: ރައީސް
ފުވައްމުލަކާއި އައްޑޫއަށް ކުރެއްވި ދަތުރުފުޅު ނިންމަވައިލެއްވުމަށްފަހު ރައީސް މާލެ ވަޑައިގެންފި
ވަރުގަދަ އަސްކަރީ ބާރެއްގެ ގޮތުގައި ރާއްޖެ އޮތުމަކީ ވާޖިބެއް: ރައީސް
އަމާޒަކީ ހިތަދޫއާ ހުޅުދޫ އާއި މީދޫ ގުޅުވައިލުމުގެ ބުރިޖުގެ މަސައްކަތް އަންނަ
ހުޅުދޫ އާއި މީދޫގެ ނިންމުމާއެކު، ތަރައްގީގެ އެތައް މަސައްކަތްތަކަކަށް މަގުފަހިވާނެ: ރައީސް