ބިދޭސީއެއްގެ 33،500 ރުފިޔާ ފޭރުނު 2 މީހުން ދިހަ ދުވަހަށް ބަންދަށް

ބިދޭސީއެއްގެ އަތުން ފައިސާ 33.500 ރުފިޔާ ފޭރިގަތް ދެ މީހުން 10 ދުވަހަށް ބަންދު ކުރުމަށް ކުރިމިނަލް ކޯޓުން އަމުރުކޮށްފި އެވެ.

އެ މައްސަލައާ ގުޅިގެން ހައްޔަރުކޮށްފައިވަނީ 36 އަހަރުގެ ފަވާޒު ކަޅުތުއްތު، ހ. ރެނދަން، މާލެ އަދި 36 އަހަރުގެ ސޮފްވާން އަލީ، ލަކީހައުސް، ތ. ތިމަރަފުއްޓެވެ. އެ ދެ މީހުން ހައްޔަރުކޮށްފައިވަނި ރޭ ދަންވަރު މާލޭގެ ގުލާބީ ގޯޅީގައި ބިދޭސީއެއްގެ ފައިސާ ފޭރެން އުޅެނިކޮށެވެ.

ފުލުހުން މިއަދު މީޑިއާތަކަށް ފޮނުވި މެސެޖެއްގައި ބުނީ ފަވާޒާއި ސޮފްވާންގެ ބަންދާ މެދު ގޮތެއް ނިންމަން ކޯޓަށް ހާޒިރުކުރުމުން އެ ދެމީހުން ބަންދަށް 10 ދުވަށް ޖަހަން ކޯޓުން އަމުރުކޮށްފައިވާ ކަމަށެވެ.

މިމައްސަލައިގައި އިތުރަށް ބަލަން ޖެހޭ ކަންކަން ބަލައި، ތަހުގީގު ކުރަމުން އަންނަ ކަމަށް ފުލުހުން ބުންޏެވެ.