ރައްޔިތުންގެ މަޖިލީހުގެ މެންބަރުން އެ މަޖިލީހަށް ހުށަހަޅަންޖެހޭ މާލީ ބަޔާންތައް އާންމު ކުރަން ފަށައިފި އެވެ.
މިކަމުގެ ސަބަބުން، މަޖިލީހުގެ މެންބަރުންގެ މާލީ ހާލަތާއި ގުޅޭ މައުލޫމާތު ރައްޔިތުންނަށް ފަސޭހައިން ލިބިގެންދާނެ އެވެ.
މަޖިލީހުގައި މިހާރު 93 މެންބަރުން ތިބޭއިރު، މިހާތަނަށް 24 މެންބަރެއްގެ މާލީ ބަޔާން މަޖިލީހުގެ ރަސްމީ ވެބްސައިޓަށް އަޕްލޯޑުކޮށްފައިވާ ކަމަށް މަޖިލީހުގެ އިދާރާއިން ހާމަކުރެ އެވެ. އަދި ބާކީ ތިބި މެންބަރުންގެ ބަޔާންތައް ވެސް އަޕްލޯޑު ކުރުމުގެ މަސައްކަތް ކުރަމުންދާ ކަމަށް އެ އިދާރާއިން ބުންޏެވެ.
ނަމަވެސް، މާލީ ބަޔާން ހުށަހެޅި މެންބަރުންނާއި ހުށަނާޅާ މެންބަރުންގެ ވަކި ލިސްޓެއް މިވަގުތު ދެވެން ނެތް ކަމަށް މަޖިލީހުގެ އިދާރާއިން ބުނެފައި ވެ އެވެ. އެހެންކަމުން، މަޖިލިސް ވެބްސައިޓުން މާލީ ބަޔާނެއް ނުފެނުނު ނަމަވެސް، އެ ބަޔާން ހުށަނާޅާތީ ނުވަތަ އަޕްލޯޑު ނުކުރެވި ހުރީ ކަމެއް އަދި ސާފެއް ނުވެ އެވެ.
މަޖިލީހުގެ ގަވާއިދަށް 20 ވަނަ ރައްޔިތުންގެ މަޖިލީހުން ބަދަލު ގެނެސް، މާލީ ބަޔާން ހުށަހަޅަންޖެހޭ ގޮތަށް ހަމަޖެއްސީ އެއް އަހަރު ކުރިންނެވެ. އަދި މި ބަޔާން ދޭންޖެހޭނީ ކޮންމެ އަހަރެއްގެ ވެސް އޯގަސްޓު 31 ވަނަ ދުވަހުގެ ނިޔަލަށް ކަމަށް ވަނީ ނިންމާފަ އެވެ.
މި ބަދަލުގެ ސަބަބުން މަޖިލިސް މެންބަރުންގެ ކަންކަން ހާމަކަން ބޮޑު ގޮތަކަށް ބެލެހެއްޓިގެން ދާނެ ކަމަށް ބެލެވެ އެވެ.
މަޖިލީހުގެ ވެބްސައިޓަށް މިވަގުތު އަޕްލޯޑުކޮށްފައިވާ ބަޔާންތަކަށް ބަލާއިރު، ބަޔާންތައް ފަރުމާކޮށްފައި ވަނީ ވަރަށް އާދައިގެ ގޮތަކަށް ކަމަށް ފާހަގަ ކުރެވެ އެވެ.

2 Comments
ގުޅުންހުރި
ކޮޅުވެއްޓި ބަންޑުން ޖަހާލުން: ގެއްލުނު ތިންވަނަ މީހާގެ ހަށިގަނޑު އޮޔާދަނިކޮށް ފެނިއްޖެ
އަންނަ އަހަރު ބާއްވާ އިންތިހާބުގައި ވާދަކުރާނަން, ކާމިޔާބުވެސް ކުރާނަން: ނަތަންޔާހޫ
އެއްބަސްވުމާ ހިލާފުވެ, އިޒްރޭލުން އެއް އާއިލާއެއްގެ 11 މެންބަރުން ޝަހީދުކޮށްލައިފި، ގިނައީ
ދެ އަހަރަށްފަހު ޣައްޒާގެ އެންމެ ބޮޑު މިސްކިތުގައި ޖަމާއަތުގައި ނަމާދުކުރުމުގެ ފުރުސަތު
1.9 މިލިއަންގެ ވަގު ޓީޓީ މައްސަލަ: 38 އަހަރުގެ ޖަލު ހުކުމުން
ނަމާދަށް ރައްކާތެރިނުވާ މީހާ ގިޔާމަތް ދުވަހު ވާހުށީ ގާރޫނާއި ފިރުއައުނާއި ހާމާނާ