ރައީސް ޑރ. މުހައްމަދު މުއިއްޒު, އދ. މަންދޫ ޒުވާނުންގެ ދައުވަތަކަށް އެ ރަށަށް ވަޑައިގެން އެ ރަށުގެ ފުޓްސަލް ދަނޑު މިއަދު ހަވީރު ހުޅުވައިދެއްވައިފި އެވެ.
މިދިޔަ މަހުގެ ތެރޭގައި އެމްޓީސީސީއާ ހަވާލުކުރި މަންދޫ ފުޓްސަލް ދަނޑަކީ ރައީސް ރަށްތަކަށް ކުރެއްވި ދަތުރުފުޅުގެ ތެރެއިން މިދިޔަ މަހު މަންދޫއަށް ވަޑައިގަތުމުން, ރަށުގައި ފުޓްސަލް ދަނޑު މި މަހުގެ ނިޔަލަށް ނިންމަވައިދެއްވުމަށް ރަށުގެ ރައްޔިތުން އެދިވަޑައިގެންނެވި ދަނޑެކެވެ.
ރައީސް މިއަދު އެ ރަށަށް ވަޑައިގަތީ ފުޓްސަލް ދަނޑު ހުޅުވައިދެއްވުމަށް ވަޑައިގެންދެއްވުމަށް ރަށުގެ ޒުވާނުން ދެއްވި ދައުވަތަށް އިޖާބަދެއްވައި އެ ރަށަށް ކުރެއްވި ދަތުރުފުޅެކެވެ.
ފުޓްސަލް ދަނޑު ހުޅުވުމުގެ ގޮތުން ބޭއްވި ފުޓްސަލް މެޗުގައި ރައީސްގެ ޓީމަކާއި މަންދޫ ޒުވާނުންގެ ޓީމާ ދެމެދު ރަހުމަތްތެރިކަމުގެ ފުޓްސަލް މެޗެއް ކުޅުނެވެ. ރައީސްގެ ޓީމުގެ ކެޕްޓަނަކީ ރައީސް އެވެ. އެ މެޗު 2-6ގެ ނަތީޖާއަކުން ކާމިޔާބު ކުރީ ރައީސްގެ ޓީމެވެ.
އެ މެޗުގައި ރައީސް ދެ ގޯލު ޖެއްސެވި އިރު, ދެން ގޯލުތައް ޖެއްސެވީ އިކޮނޮމިކް މިނިސްޓަރު މުހައްމަދު ސައީދުއާއި ހޯމް މިނިސްޓަރު އަލީ އިހުސާން އާއި ބޭންކް އޮފް މޯލްޑިވްސްގެ ޑިރެކްޓަރުންގެ ބޯޑުގެ ޗެއާމަން އަދި ޕްރިންސިޕަލް ސެކްރެޓަރީ ޓު ދަ ޕްރެޒިޑެންޓް އޮން ކެބިނެޓް އެފެއާޒް އަހުމަދު އަލީ ހަބީބު އަދި ޗީފް އޮފް ސްޓާފް އަބްދުالله ފަޔާޒެވެ.
4 Comments
ގުޅުންހުރި
ކުރީގެ ފިލްމު ޑިރެކްޓަރު ފައްތާހު ނިޔާވެއްޖެ
އެފްއައިޔޫގެ ވެރިޔާ ސާޖިދު ސަސްޕެންޑުކޮށްފި
ފަސް އަހަރަށްފަހު ޝަންގްރިއްލާ އަލުން ހުޅުވައިފި
ހިރިމަރަދޫ ރައްޔިތުން ދެން ވޯޓުލާން ޖެހޭނީ ހަނިމާދޫ ކައުންސިލު ހޮވަން!
މަންޑޭއަށް ހުކުމްކުރުން މާދަމާ
ބަނގުރާ ގެންގުޅެ، ބޭނުންކުރާކަމުގެ ތުހުމަތުގައި ނޭޕާލް ބަޔަކު ހައްޔަރުކޮށް ޑީޕޯޓްކޮށްލަން ނިންމައިފި