ސަރުކާރުން ސޮވެރިން ގެރެންޓީ ދީގެން ސްޓޭޓް ޓްރޭޑިން އޯގަނައިޒޭޝަން (އެސްޓީއޯ) އިން 50 މިލިއަން އެމެރިކާ ޑޮލަރުގެ ލޯނެއް ނަގައިފި އެވެ.
މިދިޔަ ބުރާސްފަތި ދުވަހު ބޭއްވި ރައްޔިތުންގެ މަޖިލީހުގެ މާލިއްޔަތު ކޮމިޓީގެ ބައްދަލުވުމުގެ ރިޔާސަތުގައި އިންނެވި ނައިބު މުގައްރިރު، މަޖިލީހުގެ އޭދަފުށީ ދާއިރާގެ މެންބަރު އަހުމަދު ސަލީމް (ރެޑްވޭވް ސަލީމް) ވަނީ އެ ކޮމިޓީއާ ފިނޭންސް މިނިސްޓްރީން ހިއްސާކުރި ސިޓީގެ މައުލޫމާތު ހިއްސާކޮށްފަ އެވެ.
ސަލީމް ވިދާޅުވި ގޮތުގައި އެސްޓީއޯ އިން އެ ލޯނު ނަގާފައިވަނީ ކާޑާ ބޭހުގެ އިތުރުން ޒަރޫރީ ތަކެތި އެތެރެކުރުމަށް ބޭނުންވާ ފައިސާ ހަމަޖެއްސުމަށެވެ. ނަމަވެސް އެ ހިސާބުން މެންބަރަކު ވިދާޅުވި އެއްޗަކާ ގުޅިގެން މައިކުގެ އަޑު ކަނޑާލި އެވެ. އޭގެ ފަހުން ލޯނުގެ އިތުރު ތަފުސީލެއް ކޮމިޓީއަށް ހިއްސާކޮށްފައެއް ނުވެ އެވެ.
އެނގިފައިވާ ގޮތުގައި ތިން އަހަރު ތެރޭގައި ދައްކާ ގޮތަށް ނެގި އެ ލޯނުގެ އިންޓްރެސްޓް ރޭޓަކީ 13.13 ޕަސެންޓެވެ. ނަމަވެސް މި ލޯނު ނަގަނީ ކޮން ތަނަކުން ކަމެއް ނޭނގެއެވެ.
24 Comments
ގުޅުންހުރި
ސަޓާ 2025ގެ އިވެލުއޭޝަން ނޭޕާލްގައި ފަށައިފި
ކުޅުދުއްފުށީ ޕޯޓް ބޮޑުކުރުމުގެ މަޝްރޫއު އެމްޕީއެލްއާ ހަވާލުކޮށްފި
އެލައިޑް ފެސްޓް މާލެއިން ބޭރަށް، އަތޮޅު ތެރޭގައި ބޭއްވި އެންމެ ފުރަތަމަ
ރާއްޖެއަށް ބޭނުންވާ ބޭސް އެތެރެކުރުމަށް އެސްޓީއޯއިން އިންޑިއާގެ ކުންފުންޏަކާއެކު ސޮއިކޮށްފި
އެސްޓީއޯގެ ފުރަތަމަ ކުއާޓަރުގެ ފައިދާ 169 މިލިއަން ރުފިޔާގެ ފައިދާއެއް
ޓެކްސް ނުދައްކާ ކުންފުނިތަކުގެ ލިސްޓުގައި މަޝްހޫރު ލިޓަސް ގުރޫޕުގެ ދެ ކުންފުންޏެއް!