ސަރުކާރުން ސޮވެރިން ގެރެންޓީ ދީގެން ސްޓޭޓް ޓްރޭޑިން އޯގަނައިޒޭޝަން (އެސްޓީއޯ) އިން 50 މިލިއަން އެމެރިކާ ޑޮލަރުގެ ލޯނެއް ނަގައިފި އެވެ.
މިދިޔަ ބުރާސްފަތި ދުވަހު ބޭއްވި ރައްޔިތުންގެ މަޖިލީހުގެ މާލިއްޔަތު ކޮމިޓީގެ ބައްދަލުވުމުގެ ރިޔާސަތުގައި އިންނެވި ނައިބު މުގައްރިރު، މަޖިލީހުގެ އޭދަފުށީ ދާއިރާގެ މެންބަރު އަހުމަދު ސަލީމް (ރެޑްވޭވް ސަލީމް) ވަނީ އެ ކޮމިޓީއާ ފިނޭންސް މިނިސްޓްރީން ހިއްސާކުރި ސިޓީގެ މައުލޫމާތު ހިއްސާކޮށްފަ އެވެ.
ސަލީމް ވިދާޅުވި ގޮތުގައި އެސްޓީއޯ އިން އެ ލޯނު ނަގާފައިވަނީ ކާޑާ ބޭހުގެ އިތުރުން ޒަރޫރީ ތަކެތި އެތެރެކުރުމަށް ބޭނުންވާ ފައިސާ ހަމަޖެއްސުމަށެވެ. ނަމަވެސް އެ ހިސާބުން މެންބަރަކު ވިދާޅުވި އެއްޗަކާ ގުޅިގެން މައިކުގެ އަޑު ކަނޑާލި އެވެ. އޭގެ ފަހުން ލޯނުގެ އިތުރު ތަފުސީލެއް ކޮމިޓީއަށް ހިއްސާކޮށްފައެއް ނުވެ އެވެ.
އެނގިފައިވާ ގޮތުގައި ތިން އަހަރު ތެރޭގައި ދައްކާ ގޮތަށް ނެގި އެ ލޯނުގެ އިންޓްރެސްޓް ރޭޓަކީ 13.13 ޕަސެންޓެވެ. ނަމަވެސް މި ލޯނު ނަގަނީ ކޮން ތަނަކުން ކަމެއް ނޭނގެއެވެ.
24 Comments
ގުޅުންހުރި
ތިން އަހަރުން ސިފައިންނާއި ފުލުހުންގެ ބޭސްފަރުވާއަށް 727 މިލިއަން ރުފިޔާ ހޭދަކޮށްފި
އަގުބޮޑު އިނާމް ތަކާއި އެކު އެސްޓީއޯ ”މެގަ ސޭލް ޕްރޮމޯޝަން“ ފަށައިފި
މިއަހަރުގެ މިހާތަނަށް ތިން ލޯނަކަށް 1.3 ބިލިއަން ރުފިޔާ ނަގައިފި
އަހަރުގައި ބާކީ 5 މަސް، ސަބްސިޑީއަށް ކަނޑައެޅި ބަޖެޓްގެ 99 ޕަސެންޓް
އިޒްރޭލުން ގޭސް ގަންނަން މިސްރުން އެއްބަސްވެއްޖެ، އަގު 35 ބިލިއަން ޑޮލަރު!
އެސްޓީއޯގެ ބެކް ޓު ސްކޫލް ޕްރޮމޯޝަން ފަށައިފި