ނުލިބޭ ގޯއްޗަކާ ގުޅޭ ރަޖިސްޓްރީއެއް ހަދައި، އެ ހުށަހެޅި މައްސަލަ އަމާޒުވާ އެމްޑަބްލިއުއެސްސީގެ ޑެޕިއުޓީ މެނޭޖިން ޑިރެކްޓަރު މުހައްމަދު ފަޒީލް ރަޝީދު ބުނާ ގޮތުން އޭނާއަށް ގޯތީގެ ރަޖިސްޓްރީ ދިނީ ކުރީ ސަރުކާރުން ކަމަށް ފުލުހުން ބުނެފި އެވެ.
އެމްޑަބްލިއުއެސްސީގެ ޑެޕިއުޓީ މެނޭޖިން ޑިރެކްޓަރު ފަޒީލަކީ ހުޅުމާލެ އިން ގޯތި ލިބޭ މީހުންގެ ލިސްޓުގައި ކުރިން ހިމެނިފައި ނެތް އަދި ގޯއްޗަށް ޝަރުތު ހަމަވާ މީހެއް ވެސް ނޫން ކަމަށް އޮތީ ކަނޑައަޅައިފަ އެވެ. ނަމަވެސް ގޯތި ލިބިފައިވާ ކަމަށް ބުނާ ރަޖިސްޓްރީ އާއެކު، އެ ބިމުގެ ވަށާފާރު ރޭނުމުގެ ހުއްދައަކަށް އެޗްޑީސީގައި އޭނާ އެދުނެވެ. ފަޒީލް އެ ހުއްދައަށް އެދުނީ 30 ޖޫން 2024 ގައެވެ.
މި މައްސަލަ ފެންމަތިވީ ފަޒީލް ހުށަހެޅި ބިމުގެ ވަށާފާރު ރޭނުމަށް އަބްދުލްމަޖީދު މާހިރު ކިޔާ ދިއްދޫ މީހަކުވެސް ހުށަހެޅުމުންނެވެ. އެހެންވެ އެ ގޯތި ލިބިފައިވަނީ ކާކަށްތޯ ބެލުމަށް އެޗްޑީސީން 24 ޖުލައި 2024 ގައި ހައުސިން މިނިސްޓްރީއަށް ސިޓީއެއް ފޮނުވި އެވެ.
އެ ސިޓީގެ ޖަވާބުގައި ހައުސިން މިނިސްޓްރީން 15 އޮގަސްޓް 2024 ގައި ފޮނުވި ސިޓީގައި ބުނެފައިވަނީ ގޯތީގެ ފާރު ރޭނުމަށް އެދިފައިވާ ދެ މީހުންނަކީވެސް ބިންވެރިޔާ ސްކީމުން ގޯއްޗަށް އެދިފައިވާ ބައެއް ނޫން ކަމަށެވެ. އަދި ފާރު ރާނަން އެދިފައިވާ ގޯއްޗަކީ މިނިސްޓްރީން އެއްވެސް މީހަކާ ހަވާލުކޮށްފައިނުވާ ގޯއްޗެއް ކަމަށްވެސް އެ ސިޓީގައި ބުނެފައިވެ އެވެ.
ހައުސިން މިނިސްޓްރީން އެ ޖަވާބު ދިންތާ ފަސް މަސް ފަހުން އިއްޔެ އެ ލިޔުންތައް ސޯޝަލް މީޑިއާގައި އާންމުވެ، ޝަކުވާ ބޮޑުވުމުން ފުލުހުން ވަނީ އެ މައްސަލަ ތަހުގީގު ކުރަން ފަށައިފަ އެވެ.
ތަހުގީގާ ގުޅޭ މައުލޫމާތު ދިނުމަށް އިސްކަންދަރު ކޮށީގައި މިރޭ ބޭއްވި ނޫސްވެރިންގެ ބައްދަލުވުމުގައި ސެންޓްރަލް އިންވެސްޓިގޭޝަން ކޮމާންޑުގެ ވެރިޔާ އެސިސްޓަންޓް ކޮމިޝަނާ އޮފް ޕޮލިސް އަބްދުﷲ ޝަރީފު ވިދާޅުވީ، އެ ތަހުގީގުގައި ފަޒީލް ހިމެނޭހެން މިހާތަނަށް ހަ މީހަކާ ސުވާލުކޮށްފައިވާ ކަމަށެވެ.
އަދި ފަޒީލް ފުލުހުންނަށް ދިން މައުލޫމާތުގެ އަލީގައި އޭނާ ހުށަހެޅި ގޯތީގެ ރަޖިސްޓްރީއަކީ ކުރީގެ ސަރުކާރުން އޭނާއަށް ދިން ލިޔުމެއްކަން ފާހަގަކުރެވޭ ކަމަށް ވިދާޅުވި އެވެ.
”ފަޒީލްއަކީ ގޯއްޗަށް ކުރިމަތިލެއްވި ފަރާތެއް. ޝަރުތު ހަމަނުވާތީ އޭނަ ލިސްޓުން ވަކިވެފައި އިން ކަމަށް. އެ ޝަކުވާ ހިފައިގެން ބައްދަލު މިކުރަނީ އަކުރަމްއާ. އަކުރަމްއާ ބައްދަލުކޮށްފައި އެ ޝަކުވާ ހުށަހެޅީ. އެ ބޭނުމުގައި ފަޒީލް އަކުރަމްއާ ބައްދަލުކުރި ކަމަށް ފަޒީލް މައުލޫމާތު ދެއްވަނީ،“ އަބްދުﷲ ޝަރީފު ވިދާޅުވި އެވެ.
އޭނާ ވިދާޅުވީ ކުރީގެ ސަރުކާރުގެ ހައުސިން މިނިސްޓްރީގެ ނަމުގައި ފަޒީލްއަށް ދީފައިވާ ބަންޑާރަ ގޯތި ލިބުނުކަމުގެ ލިޔުމަކާއި ގޯތީގެ ރަޖިސްޓްރީ އޭނާ ފުލުހުނަށް ހުށަހަޅާފައިވާ ކަމަށެވެ. ނަމަވެސް އެއީ އަސްލު ލިޔުމެއްތޯ މިހާރު ބަލަމުން އަންނަ ކަމަށް ވިދާޅުވި އެވެ.
118 Comments
ގުޅުންހުރި
ހައިވޭގައި ހިނގި އެކްސިޑެންޓެއްގައި ދެ މީހަކަށް އަނިޔާވެގެން ފަރުވާދެނީ
އެމްޑީޕީގެ ކެންޑިޑޭޓުން ހޮވައިފިއްޔާ، ދެންވެސް ކުރާނީ ޖެއްސުން: ނައިބު ރައީސް
ބަންޑާރަ މިސްކިތް ތަޅާލުމާ ދެކޮޅަށް އަޑުއުފުލަނީ، މިނިސްޓަރު ވިދާޅުވަނީ ބޮޑުކުރަންޖެހޭ ކަމަށް
ތައިލެންޑުގައި ޖަލު ބަންދުގައި ހުރި ދިވެއްސަކު މަރުވެއްޖެ
ސުވަރުގެ އެދޭ ނަމަ، ފަހު ދިހައިގެ ރޭތަކުގެ މާތްކަމާއި ދަރުމައަށް މަސައްކަތްކުރޭ!
މައިމީހާގެ ފަރާތުން ދަރިފުޅަށް އެޗް.އައި.ވީ ފެތުރުން ހުއްޓުވި ފުރަތަމަ ގައުމަކަށް ޑެންމާކް