ލޯކަލް ކައުންސިލްތަކުގެ އިހްތިސާސުގެ ތެރޭގައި ހިމެނޭ ފަޅު ރަށްރަށާއި ފަޅުތަކުގެ ޓޫރިޒަމް ޕްލޭން ހަދައި، އެ ތަންތަން ޓޫރިޒަމްގެ ބޭނުމަށް ދޫކުރުމަށް އެ ކައުންސިލަކަށް ދީފައި އޮތް ބާރު އަތުލައި، އެ ބާރު ރައީސަށް ލިބޭ ގޮތަށް ޓޫރިޒަމާބެހޭ ގާނޫނަށް އިސްލާހެއް ހުށަހަޅައިފި އެވެ.
ސަރުކާރުގެ ފަރާތުން އެ އިސްލާހު މަޖިލީހަށް ހުށަހެޅުއްވީ ތިމަރަފުށީ ދާއިރާގެ މެންބަރު އަހުމަދު ރިޔާޒެވެ. އޭނާ ގާނޫނަށް ހުށަހެޅި އިސްލާހުގައިވާ ގޮތުން ރަށްރަށުގެ ކައުންސިލްތަކުގެ އިހްތިސާސްގައި ހިމެނޭ ފަޅުތަކާއި ފަޅު ރަށްތަކުގެ ތެރެއިން ޓޫރިޒަމްގެ ބޭނުމަށް ދޫކުރެވޭ ތަންތަން ކަނޑައެޅުމުގެ ބާރު އޮންނާނީ ރައީސަށެވެ.
އެ ބިލުގައި ޓޫރިޒަމްގެ ބޭނުމަށް ދޫކުރާ ރަށެއް ނުވަތަ ފަޅެއް ދޫކޮށްފައިވާ މުއްދަތު ހަމަވުމުން އެތަނުގެ މުއްދަތު އިތުރުކުރާ ނަމަ އެއް ފަހަރާ ފައިސާ ދައްކަންޖެހޭ ގޮތަށް ވެސް ވަނީ އިސްލާހުކޮށްފަ އެވެ.
އެގޮތުން ޓޫރިޒަމްގެ ބޭނުމަށް ދޫކުރާ ރަށެއް ނުވަތަ ފަޅެއް 50 އަހަރަށް ދިނުމަށް ފަހު، އެ އިސްލާހަށް އަމަލު ކުރަން ފަށާތާ ހަ މަސް ދުވަހުގެ ތެރޭގައި އެތަނުގެ މުއްދަތު އިތުރު 49 އަހަރަށް އިތުރުކުރާ ނަމަ، އެއް ފަހަރާ ފަސް މިލިއަން ޑޮލަރު ދައްކަން ޖެހޭނެ އެވެ.
އެ މުއްދަތު 20 އަހަރަށް އިތުރުކުރާ ނަމަ 2.5 މިލިއަން ޑޮލަރު އަދި 25 އަހަރަށް މުއްދަތު އިތުރުކުރާ ނަމަ ތިން މިލިއަން ޑޮލަރު އެއް ފަހަރާ ދައްކަން ޖެހޭނެ ކަމަށް ވެސް އިސްލާހުގައި ބުނެފައިވެ އެވެ.
އިސްލާހުގައި އިތުރަށް ބުނެފައިވަނީ އެ އިސްލާހަށް އަމަލުކުރަން ފަށާތާ ހަ މަސް ފަހުން 49 އަހަރަށް މުއްދަތު އިތުރު ކުރެވޭނީ ފީއެއްގެ ގޮތުގައި އެއްފަހަރާ 10 މިލިއަން ޑޮލަރު ދައްކައިގެން ކަމަށެވެ.
ކުރިން ގާނޫނުގައިވާ ގޮތުން، ރިސޯޓުތަކުގެ މުއްދަތު އިތުރުކުރަން ދައްކަން ޖެހޭ ފީއެއްގެ ގޮތުގައި މުއްދަތު އިތުރުކުރާ ކޮންމެ އަހަރަކަށް ދައްކަން ޖެހެނީ އެއް ލައްކަ ޑޮލަރެވެ. އަދި އެ ފައިސާ ހަ މަސް ދުވަހުގެ ތެރޭގައި ދައްކަން ޖެހޭނެ އެވެ. އަދި ހަ މަހަށް ވުރެ ދިގު މުއްދަތަކުން އެ ފައިސާ ދައްކާނަމަ، ކޮންމެ އަހަރަކަށް ދެ ލައްކަ ޑޮލަރުގެ ރޭޓުން ފީއެއް ދައްކަން ޖެހެ އެވެ.

4 Comments
ގުޅުންހުރި
މުޝްފިގު ހޯދުމުގެ މަސައްކަތް ކަނޑުމަތިންނާއި ޑައިވް ކޮށްގެން ފަށައިފި، ޑްރޯން ވެސް
ހޮޅުދޫ ބޯޓުގައި ރޯވުން: މާވަށު ޒުވާނަކު ގެއްލިގެން ހޯދަނީ
މާލެ ދަތުރު ކުރަމުންދިޔަ ހޮޅުދޫ ބޯޓުގައި ރޯވެ އަނދައިފި
އެއާޕޯޓް ޓާމިނަލް ހަދާ ބިދޭސީންގެ މެދުގައި ބޮޑު މާރާމާރީއެއް، ގިނަ ބަޔަކަށް
ރައީސްގެ ޔޫކޭ ދަތުރުފުޅު: ލިވަޕޫލްގެ ފުޓްބޯޅަ އެކެޑަމީއެއް ރާއްޖޭގައި ހަދަން މަޝްވަރާ
ސިނގިރޭޓު ވިއްކާ ފަރާތްތަކަށް ރައީސް: ތިއީ ކުރާވަރުގެ ކަމެއް ނޫން، އެހެންކަމަކާ