މާލޭގެ އެކި އިމާރާތްތަކުން މަގުމައްޗަށް ފެން ފައިބާ ގޮތަށް ހުރި ތަންތަން މަރާމާތު ކުރަން އިމާރާތްތަކުގެ ވެރިންނަށް މާލެ ސިޓީ ކައުންސިލުން އަންގަން ފަށައިފި އެވެ.
މާލެ ސިޓީ ކައުންސިލުގެ މޭޔަރު އާދަމް އާޒިމް އެކްސް ގައި ކުރެއްވި ޕޯސްޓެއްގައި ވިދާޅުވީ މި މަހު އެކަނިވެސް މާލޭގެ މަގުމައްޗަށް ފެންތިކި ޖަހާ ގޮތަށް ހުރި 30 ތަނެއް ފާހަގަކޮށް، އެ ތަންތަން މަރާމާތުކޮށް ރަނގަޅުކުރަން އަންގާފައިވާ ކަމަށެވެ.
އިމާރާތްތަކުން ފެންތިކި ޖަހާ މައްސަލަ އަކީ ޒަމާނުއްސުރެ ހައްލުނުކުރެވި އޮތް މައްސަލައެއް ކަމަށާއި މިފަދަ މައްސަލަތައް ހައްލުކުރުމަށް ހުރިހާ ރައްޔިތުންގެ އެއްބާރުލުން ބޭނުންވާ ކަމަށްވެސް ވިދާޅުވި އެވެ.
އިމާރާތްތަކުގެ ފުރާޅުތަކުގައި ހަރުކޮށްފައި ހުންނަ ދިޔަދޮވިންނާއި މަގުމައްޗަށްވާ ގޮތަށް ބަހައްޓާފައި ހުންނަ އޭސީ އައުޓްޑޯ ޔުނިޓުތަކުން މަގުމައްޗަށް ފެން ފައިބާ މައްސަލައަކީ މަގުމަތިން ހިނގާ މީހުންނަށް ޖެހިފައިވާ ތުރާލެކެވެ. ހާއްސަކޮށް ވާރޭ ވެހުމުން އެކަމުގެ ތަކުލީފު ބޮޑެވެ.
ކޮމެންޓް