އިދކޮޅު މައި ޕާޓީ، އެމްޑީޕީ ޕާލިމެންޓްރީ ގްރޫޕުގެ ލީޑަރަކަށް ރައްޔިތުންގެ މަޖިލީހުގެ ހިތަދޫ ދެކުނު ދާއިރާގެ މެންބަރު އިބްރާހިމް ނާޒިލް އަދި އެ ޕާޓީގެ ޑެޕިއުޓީ ޕާލިމެންޓްރީ ގްރޫޕުގެ ލީޑަރަކަށް މަޖިލީހުގެ ވައިކަރަދޫ ދާއިރާގެ މެންބަރު ހުސައިން ޒިޔާދު (ފިއްޓޭ) އިންތިހާބުކޮށްފިއެވެ.
އެމްޑީޕީން އެ ޕާޓީގެ ޕާލިމެންޓްރީ ގްރޫޕުގެ މަގާމުތަކަށް ވާދަކުރަން ހުޅުވާލާފައިވަނީ މިދިޔަ އަންގާރަ ދުވަހު މިއަދަށް ފުރުސަތު ހަމަވާ ގޮތަށެވެ.
އެމްޑީޕީން މިއަދު މަގާމުތަކަށް ކުރިމަތިލި މެމްބަރުންނާއި ހޮވުނު މެމްބަރުން އިއުލާނުކޮށްފައެވެ.
ޕާލިމަންޓަރީ ގްރޫޕްގެ މަގާމްތަކަށް އިންތިހާބުވި މެންބަރުން:
ޕީޖީ ލީޑަރު – ހިތަދޫ ދެކުނު ދާއިރާގެ މެންބަރު އިބްރާހިމް ނާޒިލް
ޑެޕިއުޓީ ޕީޖީ ލީޑަރު – ވައިކަރަދޫ ދާއިރާގެ މެންބަރު ހުސައިން ޒިޔާދު
ޑެޕިއުޓީ ޕީޖީ ލީޑަރު – މަރަދޫ ދާއިރާގެ މެންބަރު އަހްމަދު ދީދީ
ސެކްރެޓަރީ ޖެނެރަލް – ގަލޮޅު އުތުރު ދާއިރާގެ މެންބަރު މުހައްމަދު އިބްރާހިމް
ޑެޕިއުޓީ ސެކްރެޓަރީ ޖެނެރަލް – މާވަށު ދާއިރާގެ މެންބަރު އަހްމަދު ޝާކިރު
ޗީފް ވިޕް – ތޮއްޑޫ ދާއިރާގެ މެންބަރު ހުސައިން ސަމީރު
ވިޕް – ކަނޑިތީމު ދާއިރާގެ މެންބަރު އަމީން ފައިސަލް
ވިޕް – ކެޔޮދޫ ދާއިރާގެ މެންބަރު މުހައްމަދު ނިއުޝާދު
ކޮމެންޓް