މި މަހު 19 ވަނަ ދުވަހު 13 އަހަރުގެ ކުއްޖަކަށް ޖިންސީ ގޯނާ ކުރި މައްސަލައެއްގައި ތުހުމަތަށް ހައްޔަރު ކުރި މީހާގެ ބަންދަށް 30 ދުވަސް ކޯޓުން ޖަހައިފިއެވެ.
އެ މައްސަލައާ ގުޅިގެން ފުލުހުން ހައްޔަރު ކޮށްފައިވަނީ 27 އަހަރުގެ ފިރިހެނަކެވެ. އޭނާ ހައްޔަރު ކޮށްފައިވަނީ އިއްޔެގެ ވަގުތެއްގައެވެ.
ފުލުހުން މިއަދު ބުނީ އޭނާގެ ބަންދާ މެދު ގޮތެއް ނިންމުމަށް މިއަދު ކޯޓަށް ހާޒިރުކުރުމުން 30 ދުވަހަށް ބަންދުކުރުމަށް ކޯޓުން ވަނީ އަމުރުކޮށްފައެވެ. އަދި އެ ކަމުގައި އޭނާ ފިލަން އެހީތެރިވި ކަމަށް ތުހުމަތު ކުރެވޭ 29 އަހަރުގެ ފިރިހެން މީހާ 12 ދުވަހަށް ބަންދުކުރުމަށް ކޯޓުން އަމުރުކޮށްފައިވާ ކަމަށް ފުލުހުން ބުންޏެވެ.
ފުލުހުންގެ މިމަހުގެ 23 ވަނަ ދުވަހު ބުނެފައިވަނީ 13 އަހަރުގެ ކުއްޖަކަށް ޖިންސީ ގޯނާކުރި އެ ހާދިސާ ހިނގާފައިވަނީ ނ، ރ، ބ އަދި ޅ. އަތޮޅުގައި ހިމެނޭ ރަށެއްގައި ކަމަށެވެ. އެ މައްސަލަ ފުލުހަށް ރިޕޯޓު ކޮށްފައިވަނީ މި މަހުގެ 19 ވަނަ ދުވަހު ކަމަށްވެސް ބުންޏެވެ.
ކޮމެންޓް