ރާއްޖެއަށް މިހާރު ކުރަމުންދާ ހުޅަނގު މޫސުމުގެ ވިއްސާރައިގައި ކަނޑުތައް ގަދަވުމުގެ ސަަބަބުން ދަތުރު ކުރުމަށް ބުރޫތަކެއް އަރައިފައިވާތީ ބައެއް ރަށްރަށުން ޒާރޫރީ ކާބޯތަކެތި ލިބުން މިހާރު ދަތިވެފައިވާ ކަމަށް ނޭޝަނަލް ޑިޒާސްޓާ މެނޭޖުމެންޓް އޮތޯރިޓީ (އެންޑީއެމްއޭ)އިން ބުނެފިއެވެ.
އެންޑީއެމްއޭއިން މިއަދު އެކްސްގައިކުރި ޕޯސްޓެއްގައި ބުނީ މާދަމާއިން ފެށިގެން އަންނަ ބުދަ ދުވަހާ ހަމަޔަށް ކަނޑުދަތުރު ކުރެވޭ ވަރަށް މޫސުން ތަންދޭނެ ކަމަށް މެޓް އޮފީހުން މައުލޫމާތު ދީފައިވާ ކަމަށެވެ.
އެހެންކަމުން އެ ހަތަރު ދުވަހުގެ ތެރޭގައި ރަށްރަށަށް ބޭނުންވާ ޒަރޫރީ ކާބޯތަކެތި ފޯރުކޮށް ދިނުމަށް އިލްތިމާސްކުރާ ކަމަށް އެންޑީއޭމްއޭއިން ބުންޏެވެ.
”މި މުއްދަތުގެ ތެރޭގައި ކަބޯތަކެއްޗާއި ޒަރޫރީ ތަކެތި ރަށަށް ގެންދިޔުމަށް އިލްތިމާސްކުރަމެވެ.“ އެ އިދާރާއިން ބުންޏެވެ.
ރާއްޖެއަށް މިހާރު ކުރަމުންދާ ވިއްސާރައާ ގުޅިގެން މެޓް އޮފީހުން ވަނީ މިފަހުން މުޅި ރާއްޖެއަށް ވައިޓް އެލާޓް ނެރެފައެވެ. އަދި އެ ފަހުން ވަނީ ޔެލޯ އެލާޓް ނެރެފައެވެ.
ކޮމެންޓް