އިޒްރޭލުން އިރާނަށް ހަމަލާތަކެއް ދީފި އެވެ.
ރިޕޯޓްތައް ބުނާ ގޮތުން މިއީ މިދިޔަ އޮކްޓޯބަރު މަހުގެ ތެރޭގައި އިރާނުން އިޒްރޭލަށް ދިން ހަމަލާތަކަށް ބަދަލުހިފުމުގެ ގޮތުން ދިން ހަމަލާތަކެކެވެ.
އިޒްރޭލު އަސްކަރިއްޔާގެ ތަރުޖަމާނަކު ބުނި ގޮތުގައި އެ ހަމަލާތައް އަމާޒުކޮށްފައިވަނީ އިރާނުން މިސައިލް އުފައްދާ ތަންތަނަށާއި ސާފޭސް ޓު އެއާ މިސައިލް ސިސްޓަމްތަކުގެ އިތުރުން ވައިގެ ދިފާއީ ގާބިލުކަމަށް އަމާޒުކޮށްގެންނެވެ.
އިޒްރޭލުގެ އަސްކަރީ ތަރުޖަމާން ޑެނިއަލް ހަގާރީ ވަނީ އެ ގައުމުން ބޭނުންވެއްޖެ ނަމަ އިރާނުގެ އިތުރު ސަރަހައްދުތަކަށް ހަމަލާތަކެއް ދޭނެކަމުގެ އިންޒާރު ދީފަ އެވެ. އަދި އިޒްރޭލަށް ބިރު ދައްކާ ކޮންމެ ބަޔަކު އޭގެ އަގު އަދާކުރަންޖެހޭނެ ކަމަށްވެސް ބުންޏެވެ
އިޒްރޭލުން ހަމަލާތަކެއް ދިންކަން ކަށަވަރު ކޮށްދެމުން އިރާނުން ބުނީ އިޒްރޭލުގެ ހަމަލާތައް އަމާޒުވެފައިވަނީ ތެހެރާންގެ އިތުރުން ދެ ޕްރޮވިންސެއްގައި ހުންނަ އަސްކަރީ މަރުކަޒުތަކަށް ކަމަށެވެ. އެ ހަމަލާތަކުން މާބޮޑު ގެއްލުންތަކެއް ލިބިފައި ނުވާ ކަމަށްވެސް ބުންޏެވެ.
ކޮމެންޓް