އދ. ދިގުރަށް ކައިރިން ދޯންޏެއްގެ ބުރަފަތީގައި ޖެހި މަރުވީ އުމުރުން 15 އަހަރުގެ ސިންގަޕޫރު ކުއްޖެއް ކަމަށް ފުލުހުން ބުނެފި އެވެ.
ފުލުހުން މިއަދު ބުނީ އެ ކުއްޖާއަކީ ފެހުރިހީގެ ދިރާސާއެއް ހަދަން ރާއްޖެ އައިސް އުޅުނު ޓީމެއްގައި ހިމެނޭ ކުއްޖެއް ކަމަށެވެ.
އޭނާ ސްނޯކަލިންއަށް ގޮސް ދޯނިން މޫދަށް ފުންމާލި ވަގުތު ދޯނީގެ ބުރަފަތީގައި ޖެހި ޒަހަމުވެގެން، ދިގުރަށު ސިއްހީ މަރުކަޒަށް ގެންދިޔަކަމުގެ ރިޕޯޓެއް ލިބުނީ މިއަދު ހެނދުނު 9:55 ހާއިރު ކަމަށްވެސް ފުލުހުން ބުންޏެވެ.
ފުލުހުން ބުނީ ސިއްހީ މަރުކަޒަށް ގެންދިޔަ އިރުވެސް ކުއްޖާ މަރުވެފައިވާ ކަމަށް އެ ސެންޓަރުން މައުލޫމާތުދީފައިވާ ކަމަށެވެ.
ކޮމެންޓް