ހަ އަހަރުގެ ކުއްޖެއްގެ ގައިގައި ސައިކަލަކުން ޖެހި އެ ކުއްޖާއަށް އަނިޔާވެއްޖެ އެވެ.
ފުލުހުން މިރޭ ބުނީ މިދިޔަ ހުކުރު ދުވަހުގެ ހަވީރު ހުޅުމާލެ ނިރުޅުމަގުގައި ހުންނަ އެލް މޯބައިލް 3 ކައިރިން މަގު ހުރަސްކުރި މީހަކާއި ކުއްޖެއްގެ ގައިގައި ސައިކަލަކުން ޖެހި އެކްސިޑެންޓްވެފައިވާ ކަމުގެ ރިޕޯޓް ލިބިފައިވާ ކަމަށެވެ.
އެ އެކްސިޑެންޓުގައި ހަ އަހަރުގެ ކުޑަކުއްޖާގެ ކަކޫ މަށައިގެން ގޮސް ކަނާތްފަރާތު ތުންފަތްމަތިން ބައި އިންޗި އެއްހައިތަން ފަޅައިގެން ގޮސް އަދި ކުދި އިތުރު އަނިޔާވެފައިވާ ކަމަށް ފުލުހުން ބުންޏެވެ.
އެކްސިޑެންޓުގައި ހިމެނޭ ސައިކަލް ދުއްވަން އިނީ ލައިސަންސް އޮންނަ މީހެއް ކަމަށް ފުލުހުން ބުންޏެވެ.
އެ އެކްސިޑެންޓުގެ މައްސަލަ ތަހުގީގު ކުރަމުންދާ ކަމަށް ފުލުހުން ބުންޏެވެ.
ކޮމެންޓް