ސައުދީ އަރަބިއްޔާއަށް މި އަހަރުގެ ފިތުރު އީދު ދުވަހަކީ ބުދަ ދުވަސް ކަނޑައަޅައިފި އެވެ.
ސައުދީގެ ޗީފް އޮސްޓްރޮނަމާ އަބްދުﷲ އަލް-ހުދައިދީއާ ހަވާލާދީ ރިޕޯޓްތައް ބުނާ ގޮތުން، އެ ގައުމަށް ޝައްވާލު މަހުގެ ހަނދު ފެނިފައި ނުވާތީ މާދަމާއަކީ މި އަހަރުގެ ރަމަޟާން މަހުގެ 30 ވަނަ ދުވަސް ކަމަށެވެ. އަދި އީދު ދުވަހަކީ އަންނަ ބުދަ ދުވަސް ކަމަށްވެސް ކަނޑައަޅާފައިވެ އެވެ.
އިސްލާމީ ޝަރުއީ ހަމައަކީ، ހިނގަމުންދާ މަހުގެ 29 ވަނަ ދުވަހުގެ އިރު އޮއްސުމަށް ފަހުގައި އާ ހަނދު ފެނުމުން އަނެއް މަސް ފެށުނީ ކަމަށް ބެލުމެވެ. ނުވަތަ އެރޭ ހަނދު ނުފެނިއްޖެ ނަމަ އެ ހިނގާ މަހުން 30 ދުވަސް ހަމަކުރުމަށް ފަހު އަނެއް މަސް ފެށުމެވެ.
ރާއްޖޭގައިވެސް މިހާރު ދަނީ ޝައްވާލް މަހުގެ ހަނދު ފެނޭތޯ ބަލަމުންނެވެ. ނަމަވެސް ނިންމުމެއް އަދި އިއުލާންކޮށްފައެއް ނުވެ އެވެ.
ކޮމެންޓް