ސަރުކާރަށް ވަރަށް ބޮޑަށް ފާޑު ކިޔާ ނޫހެއް ކަމަށްވާ ”ދިޔަވަރު“ ނޫހާ އެއްވެސް ގުޅުމެއް ނޯންނާނެ ކަމަށް ކުރީގެ ފޮރިން މިނިސްޓަރު އަދި އެމްޑީޕީގެ ރައީސް އަބްދުﷲ ޝާހިދު ވިދާޅުވެއްޖެއެވެ.
ރައްޔިތުންގެ މަޖިލީހުގެ މިއަދު ޖަލްސާގައި ތިނަދޫ ދެކުނު ދާއިރާގެ މެންބަރު އަބްދުﷲ ސަނީފު ވިދާޅުވީ ”ދިޔަވަރު“ ނޫސްއަކީ ޝާހިދު އަޑީގައި ހުންނަވައިގެން އެމްޑީޕީ ވެރިކަމުގައި ރައީސް އޮފީހުގެ ތަރުޖަމާނުގެ މަގާމުގައި ހުންނެވި މިއުވާން މުހައްމަދު ލައްވައި ހިންގާ ނޫހެއް ކަމަށެވެ.
ޝާހިދު އެކްސްގައި މިރޭ ކުރެއްވި ޕޯސްޓެއްގައި ވަނީ ސަނީފުގެ އެ ވާހަކަތައް ދޮގު ކުރައްވައިފައެވެ.
”މަޖިލީހުގެ މިއަދުގެ ޖަލްސާގައި ތިނަދޫ ދެކުނު މެމްބަރު ސަނީފް ދެއްކެވި ވާހަކައިގައި އޮންލައިންކޮށް ލިޔާ ދިޔަވަރު ކިޔާ ނޫހަކާއި އަޅުގަނޑާއި ގުޅުމެއްވާ ކަމަށް ވިދާޅުވެ ދެއްކެވި ވާހަކައަކީ ދޮގު ވާހަކަތަކެއް“ ޝާހިދު ވިދާޅުވިއެވެ.
އިތުރަށް ޝާހިދު ވިދާޅުވީ މަޖިލީހުގެ މެންބަރުންނަށް ލިބިދޭ އިމްތިޔާޒުގެ ބޭނުން ނަހަމަގޮތުގައި ބޭނުންކޮށް، މީހުންނާ ބެހޭގޮޮތުން ދޮގުހަދައި، އަނބުރަށް އަރައިގަތުމަކީ ޑިމޮކްރަސީއާ ބީރަށްޓެހި އަދި ފިނޑިކަމެއް ކަމަށެވެ.
”ދިޔަވަރު“ ނޫހަކީ މިހާރު ސަރުކާރަށް އެންމެ ބޮޑަށް ފާޑު ކިޔަމުންދާ ނޫހެވެ. އެ ނޫހަކީ އާންމުގެ މެދުގައި މަގުބޫލު ނޫހެކެވެ.
ސަރުކާރުން ވަނީ މީގެ ކުރިން ”ދިޔަވަރު“ ނޫސް ބްލޮކްވެސް ކޮށްފައެވެ. ނަމަވެސް މިނިވަންނޫސްވެރިކަމަށް ވަކާލާތުކުރާ އެކި ޖަމިއްޔާތަކާއި އާންމުނެ ފާޑު ކިޔުން ސަރުކާރަށް އަމާޒުވުމުން، ސަރުކާރުން ވަނީ އެ ނޫސް އަންބްލޮކް ކޮށްފައެވެ.
![](https://haftha.mv/wp-content/uploads/2024/04/Scam-call-ad-MMA.jpg)
![](https://haftha.mv/wp-content/uploads/2024/04/Scam-call-ad-MMA.jpg)
ގުޅުންހުރި
މާލެ ސިޓީ ކައުންސިލުން ހުސްވި ގޮނޑިތަކަށް ވާދަކުރާނީ އެމްޑީޕީއާއި ޕީއެންސީން އެކަނި
އިޒްރޭލު ޕާސްޕޯޓް މަނާކުރަން ހުށަހެޅި ބިލު މާދަމާގެ ޖަލްސާއަށް އެޖެންޑާ ކޮށްފި
ޖޭއެސްސީއަށް އަބްްދުއްރަހީމްއާއި ރިޒާ އައްޔަން ކުރައްވައިފި
ބޭނުންވަނީ އިސްރާއީލް ޕާސްޕޯޓް މަނާކުރަން، ސަރުކާރުގެ ހުށަހެޅުމަށް ތާއީދުކުރަން: އެމްޑީޕީ
މަޖިލީހުގެ ދާއިމީ ކޮމިޓީތަކަށް މެންބަރުން ކަނޑައަޅައިފި
20ވަނަ މަޖިލީހުގެ ފުރަތަމަ ކުއްލި މައްސަލަ: އައްޑޫއިން ފެނުގެ ހިދުމަތް މެދުކެނޑޭ