އިޒްރޭލް ޕާސްޕޯޓް އެއްކޮށް މަނާކޮށްފި ނަމަ ރާއްޖޭގެ ޓޫރިޒަމަށް ބޮޑު ގެއްލުމެއް ލިބޭނެ ކަމަށާއި އެހެންކަމުން އެކަން ކުރުމަށް ތާއީދު ނުކުރާ ކަމަށް ނެޝަނަލް ހޮޓެލްސް އެންޑް ގެސްޓްހައުސް އެސޯސިއޭޝަން (އެންއެޗްޖީއޭއެމް) އިން ބުނެފި އެވެ.
އިޒްރޭލްގެ ޕާސްޕޯޓު މަނާކުރަން އެމްޑީޕީއަށް ނިސްބަތްވާ ގަލޮޅު ދެކުނު ދާއިރާގެ މީކާއިލް ނަސީމް ހުށަހެޅި އިސްލާހާ ގުޅޭ ގޮތުން މިއަދު ބޭއްވި ރައްޔިތުންގެ މަޖިލީހުގެ ސަލާމަތީ ހިދުމަތްތަކާބެހޭ ކޮމިޓީ (241 ކޮމިޓީ) ބައްދަލުވުމުގައި ގެސްޓްހައުސް އެސޯސިއޭޝަނުން ބުނީ ފަލަސްތީންގެ މުސްލިމުންވެސް ޑުވެލް ޕާސްޕޯޓްގެ ގޮތުގައި އިޒްރޭލް ޕާސްޕޯޓް ގެންގުޅޭ ކަމަށް މައުލޫމާތު ލިބިފައިވާ ކަމަށެވެ.
އަދި އިނގިރޭސި ވިލާތަކީ ރާއްޖޭގެ ފަތުރުވެރިކަމުގެ މުހިންމު މާކެޓެއް ކަމަށާއި އެ ގައުމުގައިވެސް އިޒްރޭލު ޕާސްޕޯޓް ގެންގުޅޭ މީހުން އުޅޭ ކަމަށާއި އެހެންކަމުން އިޒްރޭލްގެ ޕާސްޕޯޓް އެއްކޮށް މަނާކުރަން ދެކޮޅު ކަމަށް ބުންޏެވެ.
އިޒްރޭލް ބޮޑުވަޒީރާއި ކުރީގެ ޑިފެންސް މިނިސްޓަރު ހައްޔަރުކުރަން އިންޓަނޭޝަނަލް ކްރިމިނަލް ކޯޓް (އައިސީސީ) ނެރެފައިވާ އަމުރަށް އިޝާރާތް ކުރައްވައި އެ އެސޯސިއޭޝަނުން ތާއިދު ކުރަނީ ހަމައެކަނި އިޒްރޭލްގެ ވެރިންގެ ޕާސްޕޯޓް މަނާކުރަން ކަމަށެވެ. އަދި އެކަމުގައި އިސްރާއީލް ސިފައިން ނުހިމަނަންވެސް ހުށަހެޅި އެވެ.
ގެސްޓްހައުސް އެސޯސިއޭޝަނުން ބުނީ ބައިނަލްއަގްވާމީ ޓޫރިސްޓް އެޖެންސީތަކާއި އޮންލައިން ޕްލެޓްފޯމްތަކަކީ ވެސް އޭގައި ޔަހޫދީ މީހުންގެ ބޮޑު ހިއްސާއެއް އޮންނަ ތަކެތި ކަމަށްވާއިރު، އިޒްރޭލް ޕާސްޕޯޓް މަނާކުރުން ފަދަ ބޮޑު ނިންމުމެއް ނިންމައިފި ނަމަ، ރާއްޖެ ފަދަ ކުޑަ ގައުމެއްގެ އިގުތިސާދަށް ބޮޑު އަސަރެއް ކުރާނެ ކަމަށް އަންދާޒާ ކުރެވޭ ކަމަށެވެ.
4 Comments
ގުޅުންހުރި
ކުށުގެ އަމަލުތަކަށް އަރައިގަންނަ ސަރަހައްދުތަކުން ކުޑަކުދިން ފެންނަ މިންވަރު އިތުރުވެއްޖެ
ބިދޭސީ މަސައްކަތްތެރިންނަށް އަމާޒުކޮށްގެން ބޮޑު ސްކޭމެއް، 2.9 މިލިއަން ރުފިޔާގެ ގެއްލުން
މީޑިއާތައް 100،000 ރުފިޔާއިން ޖޫރިމަނާކުރެވޭ ގޮތަށް ހުށަހެޅި ބަހުސް ހޫނުވެފައި ވަނިކޮށް
2026 އަށް މަޖިލީހަށް ބަޖެޓް ކަނޑައެޅުމުގެ ބައްދަލުވުން ސިއްރުކޮށްފި
މިއަދާ ހަމަޔަށް އޮތީ ދިއުޅި ދިގު ނިޒާމެއް ކަމަށް، އެކަން ބަދަލުކުރީ
އަޒާން އަލުން 241 ކޮމިޓީ އާއި މާލިއްޔަތު ކޮމެޓީއަށް އައްޔަން ކުރައްވައިފި