ސިފައިންގެއަށް ވަނުމުގެ ފުރުސަތު ހުޅުވާލައިފި

ސިފައިންގެ ވަޒީފާ އަށް ވަނުމުގެ ފުރުސަތު ހުޅުވާލައިފި އެވެ.

ޑިފެންސް މިނިސްޓްރީން މިދިޔަ ހަފުތާގައި އާންމުކޮށްފައިވާ އިއުލާނެއްގައި ބުނެފައިވާ ގޮތުން ސިފައިންގެ ވަޒީފާއަށް ރެކްރޫޓް ކުރާ މީހުންގެ ކިބައިގައި ހުންނަންޖެހޭ އަސާސީ ޝަރުތުތަކުގެ ތެރޭގައި:

އިއުލާނުގައި ބުނެފައިވާ ގޮތުން، ސިފައިންގެ ވަޒީފާއަށް މީހުން ހޮވުމުގައި މަތީގައިވާ ޝަރުތުތަކުގެ އިތުރުން ކުރެވޭ އިންޓަވިއުތަކަށާއި ފުރަތަމަ އިންޓަވިއު އިން ފާސްވާ މީހުންނަށް ދޭ ފިޒިކަލް (ޕުޝްއަޕްސް، ސިޓްއަޕްސް، ޕުލްއަޕްސް، ދުވުން އަދި ފެތުން) އަދި އެޕްޓިޓިއުޓް ޓެސްޓުން އެ މީހަކު ހޯދާ ނަތީޖާގެ އިތުރުން އިސްކޮޅާއި ހަށިގަނޑުގެ ރޫފައަށް ބަލާނެ އެވެ.

މުސާރައާއި އިނާޔަތް

ސިފައިންގެ ވަޒީފާއަށް ހޮވޭ ފަރާތްތަކަށް އަސާސީ ތަމްރީން ކޯސް ފުރިހަމަ ކުރުމާއި ހަމައަށް މުސާރަ އާއި އެލަވެންސްގެ ގޮތުގައި 12400ރ. ލިބޭނެ އެވެ. އަދި އަސާސީ ތަމްރީން ކޯސް ފުރިހަމަ ކުރުމުން މުސާރައާއި އެލަވަންސްގެ ގޮތުގައި 15500ރ. އާއި މަސައްކަތް ކުރާ ދާއިރާއެއްގެ ގޮތުން ހަމަޖެހިފައިވާ އިތުރު އެލަވަންސްތައް ލިބޭނެ އެވެ.

އިއުލާނުގައި އިތުރަށް ބުނެފައިވާ ގޮތުން ވަޒީފާ އަށް އެދޭ ފޯމް ބަލައިގަންނާނީ އަންނަ ފެބްރުއަރީ މަހުގެ 15 ވަނަ ދުވަހުގެ މެންދުރުފަހު 2:00ގެ ނިޔަލަށް، އެމްއެންޑީއެފްގެ މަރުކަޒުތަކުގެ އިތުރުން ދިފާއީ ވުޒާރާ އިންނެވެ.