ރަސްދޫ މަގުމައްޗާއި ބީޗުގައި ބަރަހަނާ ފިލްމު ކުޅުނު މައްސަލައެއް

އއ. ރަސްދޫގެ މަގުމަތީ ބަރަހަނާ ފިލްމެއް ކުޅުނު މައްސަލައެއް ފެންމަތިވެ އެކަން ފުލުހުން ބަލަން ފަށައިފި އެވެ.

މައުލޫމާތު ލިބިފައިވާ ގޮތުގައި އެ އަމަލު ހިންގީ ބަރަހަނާ ފިލްމުތައް ކުޅޭ ރަޝިޔާއަށް ނިސްބަތްވާ ބައެކެވެ. އެކަން ހާމަވީ އެ މީހުން ކުޅުނު ބައެއް ބަރަހަނާ ފިލްމުތައް އާންމު ކުރުމުން ކަމަށް މައުލޫމާތު ލިބެ އެވެ.

ފުލުހުން ބުނީ ރަސްދޫ މަގުތަކާއި ބީޗުގައި ފަތުރުވެރީން ތަކެއް ބަރަހަނާ ފިލްމެއް ކުޅުނު މައްސަލަ އެއް އަދި އެފަދަ ޝަކުވާއެއް އެ އިދާރާއަށް ލިބިފައި ނެތް ކަމަށެވެ. ނަމަވެސް ސޯޝަލް މީޑިއާގައި އެފަދަ ވާހަކަތަކެއް ދައުރުވަމުންދާތީ ބަލަން ޖެހޭ ކަންކަން ބަލަމުންދާ ކަމަށް ބުންޏެވެ.