މާލޭގައި ރޭ އެކަނިވެސް ތިން މާރާމާރީއެއް!

މާލޭގައި ރޭ ތިން މާރާމާރީއެއް ހިންގައިފައިވާ ކަމަށް ފުލުހުން ބުނެފިއެވެ.

ފުލުހުން މިއަދު ބުނީ ފުލުހުން ބުނީ ހެލްމެޓް އަޅައިގެން ތިބި ބަޔަކު ދިރިޕަބްލިކް ކެޕޭ ތެރެއަށް ވަދެ މާރާމާރީ ހިންގައިފައިވާ މައްސަލައެއް ރޭ ހުށަހަޅައިފައިވާ ކަމަށެވެ. އަދި އެ ކެފޭއަށް ގެއްލުންދިން މައްސަލަ ވެސް ހުށަހަޅައިފައިވާ ކަމަށެވެ.

ރޭގެ ވަގުތެއްގައި ވަނީ ކިންޒާ ކެފޭ ކުރިމަތީ ހަ މީހަކު އައިސް ތޫނު ހަތިޔާރު ބޭނުންކޮށްގެން މާރާމާރީ ހިންގި މައްސަލައެއް ވެސް ހުށަހަޅައިފައި ކަމަށް ފުލުހުން ބުންޏެވެ. އަދި ހަމަ އިއްޔެގެ ވަގުތެއްގައި ނޫރު މިސްކިތް ކައިރީގައި ވެސް ބަޔަކު މާރާމާރީ ހިންގައިފައިވާ މައްސަލައެއް ފުލުހަށް ހުށަހަޅައިފައިވާ ކަމަށެވެ.

މީގެ އިތުރުން ބުރާސްފަތި ދުވަހު ލެޓްސްގޯ ކެފޭއަށް ބަޔަކު ވަދެ ގެއްލުން ދިން މައްސަލައެއް ވެސް ހުށަހަޅައިފައިވާ ކަމަށެވެ.

އެ މައްސަލަތައް ތަހުގީގު ކުރަމުންދާ ކަމަށް ފުލުހުން ބުންޏެވެ.