މޯލްޑިވްސް ބްރޯޑްކާސްޓިން ކޮމިޝަން (ބްރޯޑްކޮމް) އިން ހުސްވެފައިވާ މެންބަރުގެ މަގާމަށް 12 ބޭފުޅެއްގެ ނަން ރައީސް ޑރ. މުހައްމަދު މުއިއްޒު ރައްޔިތުންގެ މަޖިލީހަށް ހުށަހަޅުއްވައިފި އެވެ.
ބްރޯޑްކޮމް އިން ދެ މެންބަރެއްގެ ގޮނޑި ހުސްވީ އެ ކޮމިޝަންގެ ރައީސާގެ މަގާމުގައި ހުންނެވި މަރިޔަމް ވަހީދާ އާއި މެންބަރު އަލީ ޔޫސުފުގެ މެންބަރުކަމުގެ މުއްދަތު މި މަހުގެ ފަސް ވަނަ ދުވަހަށް ހަމަވުމުންނެވެ.
ރައީސް މުއިއްޒު މަޖިލީހަށް ފޮނުއްވި ސިޓީގައި ވަނީ ބްރޯޑްކޮމްގެ މެންބަރު ކަމަށް ކުރިމަތިލުމަށް އާންމުކޮށް އިއުލާން ކުރުމުން އެކަމަށް އިޖާބަ ދެއްވި ބޭފުޅުންގެ ތެރެއިން އެ މަގާމަށް ޝަރުތު ހަމަވާ ބޭފުޅުންގެ ނަންފުޅާއި އެ ބޭފުޅުންގެ މައުލޫމާތު އެ މަގާމުތަކަށް އައްޔަންކުރުމަށް އިސްކަންދޭ ތަރުތީބުން ހުށަހަޅުއްވާފަ އެވެ.
އެގޮތުން އެ މަނިކުފާނުގެ ލިސްޓުގެ އެންމެ ކުރީގައި ހިމެނޭ ދެ ނަމަކީ ރައްޔިތުންގެ މަޖިލީހުގެ އިހަވަންދޫ ދާއިރާގެ ކުރީގެ މެމްބަރު އަދި ފިލްމީ ތަރި މުހައްމަދު އަބްދުﷲ (މުހައްމާ) އާއި ރައީސް އަބްދުﷲ ޔާމީންގެ ކުރީގެ ތަރުޖަމާން އިބްރާހިމް މުއާޒު އަލީ (ޓީވީ މުއާ) އެވެ.
ދެން އެ ލިސްޓުގައި ހިމެނިވަޑައިގަންނަވަނީ:
- އިބްރާހީމް އަޝްރަފް، ވ. މަށިވެލި
- ލެފްޓިނެންޓް ކާނަލް ރިޓަޔަޑް ޒުބައިރު އަހުމަދު މަނިކު، ގ. މަލްވިނަ
- އަބްދުﷲ ހުމައިދު، ފަޒާ، ޅ. ހިންނަވަރު
- އާއިޝަތު ދިޔާނާ ތޯހިރު، ސެވަން ސްޓާ، ސ. ހިތަދޫ
- އައިމިނަތު ސަރާހަތު އިއްޒަތު، ގ. ގޮފި
- ޝިމްލާ އަހުމަދު، އާސްޓްރަލްގެ، ސ. ހިތަދޫ
- އިސްމާއީލް ޝަފީގު، މ. ސްލީޓް
- ޝިފްޒާ މުސްތަފާ، މާދަނޑު، އާސާނު، ޏ. ފުވައްމުލައް
- އަލީ ނިޝާން، ގ. ކޫލް ގްރާސް
- މުހައްމަދު ޝަމީމް، ހ. ޕްރިޓީ ވިލާ
28 Comments
ގުޅުންހުރި
އިހުސާންގެ އިތުބާރު ނެތްކަމުގެ މައްސަލަ އެމްޑީޕީން މަޖިލީހަށް ވައްދައިފި
ބްރޯޑްކޮމް މެންބަރުކަމަށް ސަރާހަތުއާއި މުހަންމާ އައްޔަންކުރަން ފާސްކޮށްފި
އޭސީސީއަށް އަލަށް އައްޔަން ކުރާ ދެ މެންބަރުންނަށް ރުހުން ހޯދަން މަޖިލީހަށް!
ޗައިނާގެ ފޮރިން މިނިސްޓަރު ވާންގް ޔީ ރާއްޖެ ވަޑައިގެންފި
ރިޔާސީ ބަޔާން އިއްވުން އަންނަ މަހު 6ގައި
އަމާޒަކީ މިފްކޯގެ ކޮރަޕްޝަން މުލުން ލުހެލުން: ރައީސް