ރައީސް އިބްރާހިމް މުހައްމަދު ސޯލިހުގެ ސަރުކާރުން ފުވައްމުލައް ސިޓީގައި ހަދަން ހަވާލުކުރި 400 ފްލެޓްގެ މަޝްރޫއުގެ އަމަލީ މަސައްކަތް ފަށައިފި އެވެ.
ފުވައްމުލަކުގައި ތިން ކޮޓަރި އެޕާޓްމަންޓުގެ 400 ހައުސިން ޔުނިޓް ހެދުމަށް ހަވާލުކުރީ ކުރީ ސަރުކާރުގައި 7 އޮގަސްޓް 2023ގައެވެ. އެއީ އެ ވެރިކަން ނިމެން ތިން މަސް ކުރިންނެވެ. ޖުމުލަ 470 މިލިއަން ރުފިޔާގެ މި މަޝްރޫއު ހަވާލުކުރީ ފްލެކްސްއިންކް ޕްރައިވެޓް ލިމިޓެޑް ނަމަކަށް ކިޔާ ކުންފުންޏަކާ އެވެ.
އެ މަޝްރޫއުގެ އަމަލީ މަސައްކަތް ދެ އަހަރު ފަހުން ފަށާފައިވަނީ ރައީސް ޑރ. މުހައްމަދު މުއިއްޒު ފުވައްމުލަކަށް މިހާރު ކުރައްވަމުން ގެންދަވާ ދަތުރުފުޅުގެ ތެރެއިންނެވެ.
ރައީސް ޝަރަފުވެރިކޮށްދެއްވި ރަސްމިއްޔާތެއްގައި އެ މަޝްރޫއުގެ އަމަލީ މަސައްކަތް ފައްޓަވައިދެއްވީ ހައުސިން މިނިސްޓަރު އަބްދުالله މުއްތަލިބާއި ފްލެކްސިންކް ޕްރައިވެޓް ލިމިޓެދްގެ މެނޭޖިން ޑައިރެކްޓަރު ނަޖާހު ޝަރީފެވެ.
މި މަޝްރޫއުގެ އަމަލީ މަސައްކަތް އިއްޔެ ފެށި އިރު, މަޝްރޫއު ނިންމަން ދީފައިވާ މުއްދަތު ވަނީ ފަހަނައަޅާ ގޮސްފަ އެވެ. އެގޮތުން މި މަޝްރޫއުގެ ކޮންޓްރެކްޓްގެ މުއްދަތަކީ 540 ދުވަސް ނުވަތަ އެއް އަހަރާ ހަތަރު މަހެވެ. އަމަލީ މަސައްކަތް ފަށާފައި މިވަނީ ދެ އަހަރު ފަހުންނެވެ.
ގުޅުންހުރި
ރައީސް، ފުވައްމުލަކާއި އައްޑޫއަށް ފުރާވަޑައިގެންފި
ގެޒެޓްގައިވާ ލިސްޓާ ހިލާފަށް އެއްވެސް ފަރާތެއް ލިސްޓަށް އިތުރެއް ނުކުރަން: މުއްތަލިބް
ސަލްޓަން ޕާކު ތަރައްގީ ކުރަން ތިން މަހަށް ބަންދުކޮށްފި
ބޮޑުތަކުރުފާނު މަގު ތަރައްގީކުރާތީ ރަސްމީ ފާލަން ފަޅު ބަންދުކޮށްފި
ފުވައްމުލަކުގެ މަޝްހޫރު ”ޝާކް ޕޮއިންޓް“ ނެޓްފްލިކްސްއަށް
ޕަބްލިކް ވޯކްސްއަށް ގެނައި ޑްރެޖަރުތަކާއި ލޭންޑިން ކްރާފްޓުތައް ގެއްލިއްޖެ